लिलामी सेयर खरिद गर्न इच्छुक लगानीकर्ताले बैंकको बिक्री प्रबन्धक एनएमबि क्यापिटल लिमिटेड नागपोखरी वा नेपाल एसबीआई मर्चेन्ट बैंकिङ हात्तिसारमा साउन १७ गते मंगलवार सम्म शिलबन्दी बोलपत्र पेश गर्न सक्नेछन् ।
बोलपत्र साउन १८ गते बुधबार दिउँसो ३ ३० बजे एनएमबि क्यापिटल लिमिटेड नागपोखरीमा खुला हुने क्यापिटलले जनाएको छ ।
एसबिआईले गत साउन ९ गतेदेखि साधारण समूहको चार लाख ६९ हजार ५२ कित्ता सेयर लिलामीमा राखेको हो । बैंकले यसअघि जारी गरेको ४० प्रतिशत हकप्रदमा अवितरित सेयर लिलामीमा बेच्न लागेको हो ।
हकप्रदपछि बैंकको चुक्ता पूँजी ६ अर्ब ९७ करोड १७ लाख रुपैयाँ पुगेको छ । चालु आवको तेस्रो त्रैमासमा एसबिआईले एक अर्ब १० करोड ४४ लाख रुपैयाँ खुद नाफा कमाएर प्रतिसेयर आम्दानी २९.५७ रुपैयाँ कायम गरेको छ । बैकको सेयर विहीबार नेप्सेमा प्रतिकित्ता रुपैयाँ हाराहारीमा कारोबार भएको छ ।