अब हेरौं कति जनाले सेयर पाउँदैनन्
कम्पनीले निष्काशन गरेको तीन लाख ९० हजार कित्तामध्ये सात हजार आठ सय कित्ता कर्मचारी र १९ हजार पाँच सय कित्ता सामूहिक लगानी कोषहरुलाई छुट्टाईएको छ । बाँकी ३ लाख ६२ हजार सात सय कित्ता सेयर गोलाप्रथाबाट १० कित्ताका दरले बाँडफाँड गर्नु पर्ने हुन्छ । क्यापिटलले यहि व्यवस्था अनुसार ३६ हजार दुई सय ७० जना आवेदकलाई मात्र सेयर बाँडफाँड गर्छ ।
यस आधारमा कम्पनीको साधारण सेयरमा आवेदन गरेका एक लाख ७३ हजार (प्रारम्भिक तथ्याङ्क) मध्ये एक लाख ३७ हजार आवेदकले सेयर पाउँदैनन् । कुल आवेदक मध्ये समग्रमा २० प्रतिशत आवेदकले मात्र सेयर पाउँने छन् भने ८० प्रतिशत आवेदक रित्तो हात हुने छन् । अर्थात एक सय आवेदकमध्ये २० जनाले मात्र सेयर पाउने अनि ८० जनाले सेयर नपाउने पक्का भएको हो ।
तीन करोड ९० लाख रुपैंयाको सेयरका लागि कुल एक अर्ब ५३ करोड रुपैंयाको आवेदन परेको हो । यो प्रारम्भिक तथ्याङ्क मात्र हो । यसै तथ्याङ्कका आधारमा औसतमा एउटा आवेदनबाट आठ हजार आठ सय ५० रुपैंयाको आवेदन परेको देखिन्छ ।
धितोपत्र बोर्डले जारी गरेको धितोपत्र निष्काशन तथा बाँडफाँड निर्देशिका २०७४ अनुसार पाँच हजार रुपैंयाभन्दा धेरै रकम राखेर साधारण सेयर आवेदन गर्ने र पाँच हजार रुपैंयाको आवेदन गर्नेले बराबरी सेयर पाउँछन् । पहिले जसरी धेरै रकमको आवेदन गरेर अनिवार्य रुपमा सेयर पाउने पनि सम्भावना अब रहन्न ।