नागरिक लगानी कोषले गत आर्थिक बर्षमा २८ करोड ४५ लाख रुपैयाँ खुद नाफा गरेको छ । कोषको नाफा अघिल्लो बर्षको तुलनामा दश प्रतिशत बढी हो। अघिल्लो बर्ष कम्पनीले २५ करोड ८५ लाख नाफा गरेको थियो ।
कोषको सेयर पूँजी ७४ करोड ३ लाख रुपैयाँ छ भने कोषको खुद कोष मौज्दातमा ९३ अर्ब ५४ करोड रुपैयाँ छ । कोषको आकार एक बर्षको अवधमिा १३ अर्बले बढेको हो। अघिल्लो बर्ष खुद कोष मौज्दातमा ८० अर्ब १५ करोड थियो । यसअवधिमा कोषले ८१ अर्ब ४१ करोड लगानी गरेको छ ।
नागरिक लगानी कोषको प्रतिसेयर आम्दानी ३८ रुपैया, प्रतिसेयर नेटवर्थ २०२ रुपैयाँ छ । कोषको प्रतिसेयर आम्दानी र नेटवर्थ दुवै अघिल्लो वर्षको तुलनामा बढी हो । अघिल्लो वर्ष प्रतिसेयर आम्दनी ३५ रुपैयाँ र नेटवर्थ १६४ रुपैयाँ थियो ।
कम्पनीको कोषको लागतमा समेत कमी आएको छ भने लगानीको प्रतिफल बढेको छ । अघिल्लोबर्ष ५.९७ प्रतिशत रहेको कस्ट अफ फण्ड ५.९४ प्रतिशतमा झरेको छ । त्यस्तै लगानीको प्रतिफल ५.२८ प्रतिशतले बढेर ७.२५ प्रतिशत पुगेको छ ।