कम्पनीले १ करोड ४३ लाख रुपैयाँ बराबर बोनस सेयर तथा कर प्रयोजनका लागि ७ लाख ५६ हजार बराबरको नगद लाभांस वितरण गर्नेछ ।
कम्पनीको हालको चुक्ता पूँजी २८ करोड ७६ लाख रुपैयाँ रहेको छ। ५ प्रतिशत बोनस शेयर दिएसँगै चुक्ता पूँजी ३० करोड १९ लाख रुपैयाँ पुग्नेछ। त्यसपश्चात शतप्रतिशत हकप्रद जारी गर्दा कम्पनीको पूँजी ६० करोड ३९ लाखको हाराहारीमा पुग्नेछ ।
बीमा समितिले निर्देशन बमोजिमको एक अर्ब चुक्ता पूँजी पुर्याउन कम्पनीलाई अझै ३९ करोड ६० लाख अपुग हुने देखिन्छ । निर्जीवन बीमा कम्पनीहरुले आगामी असारमसान्तसम्ममा एक अर्ब चुक्तापूँजी पुर्याउनु पर्नेछ ।
कम्पनीले साधारणसभा प्रयोजनार्थ भदौ १६ देखि ३० सम्म बुक क्लोज हुने भएको छ।
२८ करोड ७६ लाख चुक्तापूँजी भएको कम्पनीको जगेडा कोषमा १६ करोड ७ लाख ५७ हजार रुपैंया सञ्चित छ । बीमा कोषमा १३ करोड ४० लाख ४० हजार रुपैंया राखेको छ ।
