सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर

Aug 25, 2017 MEROLAGNAI

सिद्धार्थ बैंक लिमिटेड (SBL) ले आइपिओ तथा एफपिओमा आवेदन गर्ने लगानीकर्ताहरुलाई ध्यानमा राखेर ‘मेरो सेयर खाता’ सञ्चालनमा ल्याएको छ। यो खाताबाट सरल र सुरक्षित तरिकाले आस्बा प्रणालीमार्फत सेयरमा लगानी गर्न सकिने बैंकले जनाएको छ ।



बैंकले शेयर कारोबारका लागि खाता एक सुविधा अनेक भन्ने नाराका साथ ‘मेरो सेयर खाता’ संचालनमा ल्याएको छ । जुन खाताबाट निःशुल्क अनलाइन आस्बा एप्लिकेसन, सिडिएसको अनलाइन एप्लिकेसन सुविधा लिन सकिनेछ ।

त्यस्तै डिम्याट खाताको वार्षिक शुल्कमा छुट प्रदान गर्नुका ५ लाखसम्मको निःशुल्क दुर्घटना बीमा लगायतका सुविधाहरु पनि रहेका छन्। यस बचत खातामा ग्राहकले ६ प्रतिशतसम्म वार्षिक ब्याजदर प्राप्त गर्नेे बैंकले जनाएको छ।

यो खाता खोल्न आफुलाई पाएक पर्ने सिद्धार्थ बैंकको शाखाहरु तथा सिद्धार्थ क्यापिटल, नारायणचौर नक्सालमा समेत सम्पर्क राख्न सकिनेछ ।

सिद्धार्थ बैंकले हाल नेपालभर रहेका आफ्ना ७५ शाखा, २ एक्स्टेन्सन काउन्टर, ९८ एटिएम, ७० शाखारहित बैंकिङ सेवा र ४५० भन्दा बढी पीओएस् मार्फत् ग्राहकहरुलाई उच्चस्तरिय बैंकिङ सेवा प्रदान गरी आएको छ ।

comments powered by Disqus

लिलामीकाे शेयर सस्तोमै उठाउने अवसर,चार कम्पनीले झण्डै एक कराेड कित्ता लिलामी गर्ने

Dec 19, 2018

पुस महिनामा हकप्रदमा अवितरित संस्थापक र साधारण शेयर गरि कूल ९७ लाख ७६ हजार ६३३ कित्ता शेयर बिक्रीमा ल्याउने सूचना कम्पनीहरूले प्रकाशन गरिसकेका छन्। एनसीसी बैंक सहित चार कम्पनीले बोलकबाेल प्रकृयाबाट लिलाम बढाबढमा साे शेयर बिक्री गर्न लागेका हुन् ।