साधारणसभामा ङादीले १० प्रतिशत बोनस सेयर वितरणको प्रस्ताव गरेको छ । कम्पनीले बोनसमा लाग्ने कर तिर्न ०.५३ प्रतिशत नगद लाभांस प्रस्ताव पेस पनि पेश गर्दैछ । भदौ २१ गतेसम्म कायम रहेका सेयरधनीले १० प्रतिशत बोनस प्राप्त गर्न सक्नेछन् ।
त्यस्तै, सभामा बोनस सेयरपछि कायम हुने चुक्ता पुँजीको ३० प्रतिशत हकप्रद जारी गर्ने अर्को विशेष प्रस्ताव पेस गर्दैछ । सभामा बोनस तथा हकप्रदपछि पुँजी वृद्धि हुने हुँदा कम्पनीको प्रबन्धपत्र तथा नियमावलीमा संशोधन गर्ने र कुनै सुझाव आएमा त्यसअनुसारको आवश्यक परिमार्जन गर्न सम्पूर्ण अख्तियारी सञ्चालक समितिलाई दिने प्रस्ताव पनि पेस हुँदैछ ।
४८ करोड ६८ लाख ६८ हजार रुपैयाँ सेयर पुँजी रहेको ङादीले गत आवमा पाँच करोड १३ लाख ८९ हजार रुपैयाँ खुद नाफा कमाएर प्रतिसेयर आम्दानी ११ रुपैयाँ ०४ पैसा कायम गरेको छ ।
