राष्ट्र बैंकले कुनै पनि बैंक तथा वित्तीय संस्थाले पुरस्कार र सम्मान ग्रहण गर्नु पर्ने अवस्था आएमा पुरस्कार तथा सम्मान कार्यक्रमबारे राष्ट्र बैंकलाई अग्रीम जानकारी हुनु पर्ने सूचनामा उल्लेख गरेको छ ।
जथाभावी लिने पुरस्कार तथा सम्मानको वैधानिक हैसियत र आधिकारीता पुष्टी गर्न वित्तीय संस्थाले राष्ट्र बैंकमा पुरस्कार तथा सम्मान प्रदान गर्ने संस्थाको सबै कागज पत्र पेश गर्न भनेको छ । त्यस्तै राष्ट्र बैंकले पुरस्कार र सम्मान ग्रहण गर्न जाने पदाधीकारीले गर्ने खर्च मितव्ययी हुनु पर्ने जनाएको छ ।
सोही परिपत्रमा राष्ट्र बैंकले वित्तीय संस्थाका अध्यक्ष, सदस्य र कार्यकारी अधिकृत तथा अन्य पदाधीकारीको भ्रमण पारदर्शी बनाउन आग्रह समेत गरेको छ । अब कुनै पनि वित्तीय संस्थाका अध्यक्ष, सदस्य र कार्यकारी अधिकृत तथा अन्य पदाधीकारी विदेश भ्रमणमा जादा सम्पूर्ण कार्यतालिका राष्ट्र बैंकलाई पेश गर्नु पर्नेछ ।