पेन्सनबाट नो टेन्सन भन्ने सन्देशका साथ एलआईसी नेपालले ४० देखि ७५ वर्ष उमेरका सेवाग्राहीलाई लक्षित गरी ‘जीवन अक्षय–१’ नामको पेन्सन बीमा योजना बजारमा ल्याएको हो ।
यो योजना चालु हुनासाथ पेन्सन लिन मिल्ने नेपालको पहिलो र एकमात्र योजना रहेको कम्पनीले दाबी गरेको छ । यस योजनामा विमितले सुरुबाट नै आजीवन र निजको मृत्युपश्चात पति वा पत्नीलाई पनि जीवनभर ५० प्रतिशत पेन्सन सुविधा दिने प्रावधान राखिएको छ ।
एलआईसीले केही वर्ष पहिले जीवन तरङ्ग नामको पेन्सन प्रकृतिको बीमा योजना बिक्री गर्दै आएको थियो । जसमा योजनाको परिपक्वतापछि बीमाड्ढको ५ प्रतिशत रकम वार्षिक रुपमा पेन्सनको रुपमा आजीवन पाइन्थ्यो । तर, बीमा समितिबाट पारित यस योजनामा वर्तमानदर तथा विमितको उमेर अनुसार बीमाड्ढ रकममा सर्वाधिक ११.७७ प्रतिशतसम्म रकम पेन्सनको रुपमा पाउन सक्ने कम्पनीले विज्ञप्ती मार्फत जनाएको छ ।
एलआईसी नेपालका कायम मुकायम प्रमुख कार्यकारी अधिकृत अभिजित घोष दस्तिदारले नेपाली नागरिकलाई नयाँ बीमा योजनाले पेन्सनको माध्यमबाट आर्थिक सुरक्षा दिन सक्ने कुरामा कम्पनी विश्वस्त रहेको बताएका थिए ।