एलआईसीको धितोपत्र कारोबार सम्बन्धी अभिलेख राख्ने, शेयर दाखिल खारेज गर्ने, नामसारी गर्ने र शेयरवालाहरुको लागत अद्यावधिक गरी राख्ने सम्बन्धी सम्पूर्ण कार्यहरु अब नेपाल एसबिआई मर्चेन्ट बैंकिङ्ग लिमिटेडले गर्नेछ ।
आरटीएस नियुक्त गर्ने सम्बन्धमा नेपाल एसबिआई मर्चेन्ट बैंकिङ्ग लिमिटेडको तर्फबाट प्रबन्ध संचालक रमेश घिमिरे र लाईफ ईन्स्योरेन्स कर्पोरेसन (नेपाल) कातर्फबाट प्रबन्ध संचालक अभिजीत घोस दस्तिदारले हस्ताक्षर गरेका छन् ।
विगत एक वर्षदेखि मर्चेण्ट बैकिङ्ग व्यवसाय गर्दै आएको नेपाल एसबिआई मर्चेण्ट बैकिङ्ग लिमिटेड नेपाल एसबिआई बैक लिमिटेडको पूर्ण स्वामित्व भएको सहायक कम्पनी हो ।
