नेपाल विद्युत प्राधिकरणसँगको अधिक विद्युत उर्जा खरिद सम्झौता (पिपिए) को प्रावधान अनुसार सबै विद्युत खरिद नभएको चिलिमेले जनाएको छ ।
समीक्षा अवधिमा चिलिमेले बिजुली बिक्रीबाट ५७ करोड रुपैयाँ आम्दानी गरेको छ । गत आवको सोही अवधिमा कम्पनीले ६१ करोड ४१ लाख रुपैयाँ आम्दानी गरेको थियो । विद्युत बिक्रीको आय घटेपनि कम्पनीले ब्याज तथा अन्य आम्दानी ४६.३८ प्रतिशतले बढेको कम्पनीले जनाएको छ ।
पुस मसान्तसम्ममा चिलिमेले ५२ करोड ४६ लाख रुपैयाँ खुद नाफा गरेको छ । गत आवको सोही अवधिमा कम्पनीले ५४ करोड ८१ लाख रुपैयाँ खुद नाफा गरेको थियो । ३ अर्ब ९६ करोड चुक्तापूँजी भएको कम्प्नीको संचित कोषमा ४ अर्ब ५६ करोड ८९ लाख रुपैयाँ छ । कम्पनीको प्रतिसेयर आम्दानी २६ रुपैयाँ ४७ पैसा, प्रतिसेयर नेटवर्थ २१५.२३ रहेको छ ।
कम्पनीमा नेपाल विद्युत प्राधिकरणको ५१ प्रतिशत र सर्वसाधारणको ४९ प्रतिशत हिस्सा रहेको छ । जसमध्ये १० प्रतिशत स्वामित्व स्थानियको रहेको छ । यस कम्पनीको सहायक कम्पनीहरुमा रसुवागढी हाइड्रोपावरमध्ये भोटेकोशी जलविद्युत कम्पनी र सान्जेन जलविद्युत कम्पनी रहेका छन् ।
