यसअघि समान्य कारोबार हुँदै आएको कम्पनीको विहीबार ठूलो उप-समूहमा कारोबार भएका बाणिज्य बैंक र बीमा कम्पनीभन्दा धेरै कारोबार हुनुले लगानीकर्तामा यस कम्पनीमा तानिएका देखिन्छन् ।
चिलिमे जलविद्युत्तले विद्युत्त विकास विभागमा २३५ मेगावाट बराबरको दुई जलविद्युत आयोजनाको सर्वेक्षण मागेसँगै लगानीकर्ताको आकर्षण कम्पनीको सेयरमा विहीबार थपिएको हो । कम्पनीले गोरखाको गुम्दा र केरौजा आयोजनाको बुढीगण्डकी क जलविद्युत आयोजनाको सर्वेक्षणको अनुमति मागेको थियो ।
चिलिमेले १३० मेगावाट र उसको सहायक कम्पनी साञ्जेन जलविद्युत कम्पनीले १०५ मेगावाट जलविद्युत आयोजनाको सर्वेक्षण माग गर्दे विद्युत विकास विभागमा निवेदन दिएका थिए ।
चिलिमेले यस अघि नै ४२० मेगावाटको बुढीगण्डकी प्रोक र १६५ मेगावाटको सेतीनदी ३ तथा गोरखामा ६० मेगावाटको चुनचेट सयरखोला जलविद्ययुत आयोजना, को सर्वेक्षण अनुमति पाइसकेको छ ।
कम्पनीले रसुवागढी जलविद्युतबाट १११, साञ्जेनबाट ५७ र मध्यभोटेकोशीबाट १०२ मेगावाट सहित २७० मेगावाटका आयोजना निर्माण गरिरहेको छ । सबै निमार्ण गरिसक्दा चिलिमेले एक हजार ७० मेगावाटको आयोजनामा बनाउनेछ ।
चिलिमे जलविद्युत कम्पनी, स्वदेशी लगानी रहेको आयोजना २२ मेगावाट क्षमता भएको आयोजना २३ बर्ष पहिले स्थापना भएको सफल विद्युत उत्पादन गृह हो ।