महालेखाले ब्रोकरहरुका नाममा भ्याटलाई बेरुजुबाट बक्यौतामा परिवर्तन गरिसकेको भन्दै उनले यसमा उचित कदम चाल्न सरकारको ध्यानाकर्षण गरेका छन् ।
क्यापिटल एक्स्पोमा एशोसिएसनका अध्यक्ष रेग्मीले भ्याटको विषयले बजारमा नकरात्मक असर पर्ने बताएका हुन् । उनले सेयर दलाल व्यवसायीको आयकरको दायरा बढाउन सुझाव समेत दिएका छन् । यसलाई आगामी बजेटमा सम्बोधन गर्न सुझाव दिइएको स्मरण गर्दै उनले सम्बोधन हुने अपेक्षा गरे ।
साथै उनले कम्पनीहरुको आधार मूल्य निर्धारण गर्ने प्रणाली समयानुकुल नहुँदा समस्या उत्पन्न भएको भन्दै सम्बद्ध पक्षको ध्यानाकर्षण गराएका छन् । वैज्ञानिक रुपमा कम्पनीहरुको आधार मूल्य निर्धारण गर्ने नीतिगत व्यवस्था गर्न पनि उनले माग गरेका छन् ।
