नियामक निकाय र ब्रोकरहरुले समयमै आफुहरुलाई जानकारी नदिदा कारोबार गर्न बञ्चित हुनुपर्ने अवस्था आएको भन्दै लगानीकर्ता आक्रोशीत देखिएका छन् ।
सरला प्रधान:
हामी आफ्नो व्यक्तिगत रकम लगानी गर्ने हो । सासु ससुराको सम्पूर्ण परिवारको विवरण दिनुपर्ने । अनावश्यक झन्झट, फारम भर्न त गाह्रो भएको होईन तर पैसा र समयको नास हो । कुनै कुराको दिगो छैन यो विवरण पनि कुन कुनामा राख्ने हो ? त्यसैले अनावश्यक लाग्यो ।
अर्जुन श्रेष्ठ: केवाईसी लागु गर्नु सकारात्मक कुरा हो । तर एकै चोटी लगानी कर्ताको कारोबार नै बन्द गर्नु चाँही राम्रो लागेन । १५ बर्ष देखि कारोबार गर्ने र तीन महिना अघिदेखि कारोबार गर्न थालेका लगानीकर्ताले केवाईसी अपडेट गनुपर्ने सबैलाई एउटै तराजुमा राख्न नहुने थियो ।
लगातार कारोबार गर्नेहरुको व्यक्तिगत विवरण ब्रोकर सँग छदैछ, धितोपत्र बोर्डमा पनि छ । यदि बोर्डले चाहेमा सजिलै जानकारी पाउन सक्छन् तर कहिलेकाही लगानी गर्ने व्यक्तिहरुको बारेमा जानकारी राख्नु राम्रो हो ।
बिक्रम राज पाण्डे (प्रोफेसर पशुपति क्याम्पस): केवाईसी भन्नाले सामान्य मानिसलाई आकास खसे जस्तो भएको छ । सेयर भर्ने भन्ने थाहा भयो तर उनिहरुलाई कहाँ गएर बिक्री गर्ने भन्ने बारेमा अझै पनि अप्ठेरो नै छ । त्यस्ता लगानीकर्ताले त बुझेका छैनन् । हामी सधै कारोबार गर्नेहरुलाई त थाहा भएन उपत्यका भन्दा बाहिरका लगानीकर्ताहरुमा यसको बारेमा जानकारी कसरीहोस् । धितोपत्र बोर्डले जानकारी मुलक कार्यक्रम बिना नै कारोबार रोक्का गर्न नहुने थियो ।
नाम भन्न नचाहाने व्यक्तिः केवाईसी चाहिन्छ आवश्यकता थियो । यो पहिलेनै लागु हुनु पर्ने थियो । लगानीकर्ताको ट्रन्सपरेन्सि हुन्छ । सरकारले पनि कस्तो किसिमको लगानीकर्ताले पूँजी बजारमा लगानी गरेका छन् लगानी गर्ने पैसा कँहा बाट आएको छ त्यस्तो कुराको स्पष्ट हुन्छ ।
कहिले काँही ब्रोकरहरुले स्रोत बिनाको ठूलो रकम ल्याएर बजार बढाउने घटाउने कार्य गर्ने गरेको सुन्नमा आउछ त्यस्तो गतिबिधिको कमि हुने र लगानी पनि पारदर्शी हुन्छ, सेयरबजारमा कालो धन भित्रन पाउदैन । बोर्डको कदम सहि छ ।
सुमना शाक्य: केवाईसी भनेको के हो भन्ने थाहा छैन तर फारम पहिलेनै बुझाएको थिए । इमेल नभएको भन्दै कारोबार रोक्का गरियो मैले केही बुझिन ।
बिन्दु थापा बाग्लुङः बैंक, निक्षेप सदस्य र ब्रोकर सबै ठाँउमा केवाईसी फारम बुझाउनु पर्ने व्यवस्था झन्झटीलो छ । एकै ठाँउबाट अपडेट गर्ने व्यवस्था भएको भए लगानीकर्तालाई सहज हुन्थ्थो । यसमा बोर्डको ध्यान पुगेको देखिएन ।
अनारत्न तुलाधुरः व्यक्तिगत विवरण राख्नु राम्रो हो । कालो धनलाई पहिचान गर्न सजिलो हुने भएकोले राम्रो लाग्यो । धितोपत्र बोर्डले दिएको समय अवधि कम भयो । लगानीकर्ताहरु अन्य व्यवसाय संलग्न हुने भएकाले केवाईसी फारम भर्न ढिलाई भएको हुनसक्छ ।
जयन्द्रमान सिंह बानियाः नेपालमा कुनै कुरा नयाँ आउदा यो भएन त्यो भएन भन्ने प्रबिधि नराम्रो भएको र केवाईसी अपडेट गर्न पर्ने यो त पहिले नै लागू गर्नुपर्ने थियो ।
सुभोत भट्टराई: बैशाखभित्र व्यक्तिगत विबरण नराखेमा कारोबार रोक्का गर्ने भन्ने सूचना नदिदै कारोबार रोक्का गरेकोमा नराम्रो लाग्यो । यो अनिवार्य छ भन्ने कुराको जानकारी नभएको बताउछन् । केवाइसीको आवश्यकताको बारेमा धितोपत्र बोर्डले प्रचारप्रसार गरेन ।
सबिन बर्जचार्य: केवाइसी अपडेट गर्नु राम्रो हो तर परिवारको एक जनाको विवरण राखे पछि अन्य सबै परिवारको विवरण राख्नु पर्ने नाता प्रमाणित हुँदा हुदै पनि व्यक्ति स्वयम आउनु पर्ने कुरा झन्झटीले भयो ।