नाडेप लघुवित्तकाे साधारण सेयर (अार्इपिअाे) बुधबार बाँडफाँड भएको छ । लघुवित्तकाे सेयर गोलाप्रथाबाट ४३ हजार २०० जना आवेदकले १० कित्ताका दरले प्राप्त गरेका छन् । कम्पनीको सेयर २२.९२ गुणाले अधिक माग भएकोमा कुल आवेदकमध्ये १९.७१ प्रतिशतले मात्र सेयर प्राप्त गरेका छन् ।

लघुवित्तले असार १० गतेदेखि कूल ४ करोड ८० लाख रुपैयाँ बराबरको चार लाख ८० हजार कित्ता आर्इपिओ निष्काशन गरेको थियो । 

यसमध्ये सर्वसाधारणका लागि ४ लाख ३२ हजार कित्ता बाँडफाँड गरिएको हाे भने २४/२४ हजार कित्ता लघुवित्तका कर्मचारी र सामूहिक लगानी कोषलाई छुट्याइएको थियो ।

नतिजा हेर्नको लागि मेरोलगानीको गृहपृष्ठमा रहेको आईपिओ (IPO) शिर्षकभित्र रहेको आईपिओ रिजल्ट (IPO RESULT) मा जानुहोस् ।

त्यसपछि  आईपिओ नतिजा हेर्नुपर्ने सम्बन्धीत कम्पनी  नाडेप लघुवित्त छनौट गरि हितग्राही खाता नम्बर (बिओआईडि BOID) सेक्सनमा अाफ्नो १६ अंकको डिम्याट नम्बर राखेर खोजी (SEARCH Botton) मा गएर आफुलाई आईपिओ पर्यो कि परेन हेर्न सक्नुहुन्छ ।

लघुवित्तको सेयर निष्काशन तथा बिक्री प्रबन्धक नबिल इन्भेण्टमेन्ट एण्ड बैंकिङ्गका अनुसार २ लाख १८ हजार ६१७ आवेदकमध्ये गोलाप्रथाबाट ४३ हजार २०० आवेदकले १० कित्ता दरले शेयर हात पारेका छन् ।  अधिक अावेदनका कारण एक लाख ७५ हजार ४१७ जना आवेदकको हात रित्तो भएको छ ।

सर्वसाधारणका लागि छुट्याइएको लघुवित्तको कुल ४ लाख ३२ हजार कित्ता आइपिओका लागि २ लाख १९ हजार ९१ जनाले आवेदन गरेका थिए । जसमध्ये ४७४ वटा आवेदन रद्ध भएको थियो ।

आर्इपिओ कूल ९९ करोड एक लाख १३ हजार रुपैयाँ बराबरको आवेदन परेको थियो । जुन निष्काशन भएको शेयर भन्दा २२.९२ गुणा बढी हो।

३० प्रतिशत आईपिओ जारी गरेसँगै नाडेपको चुक्ता पूँजी ११ करोड २० लाख रुपैयाबाट बढेर १६ करोड रुपैयाँ पुग्नेछ ।