बैंकले साउन १५ देखि १८ गतेसम्म कूल ४ लाख ६३ हजार ८२६ कित्ता एफपिओ निष्काशन थियाे ।
धितोपत्र निष्काशन तथा बाँडफाँड निर्देशिका अनुसार १० कित्ताका दरले बाँडफाँड गर्दा ४६ हजार ३८२ जना आवेदकले गोलाप्रथाबाट १० कित्ता सेयर प्राप्त गर्दछन् ।
सिटिजन्स बैंक एफपिओ बिक्री प्रबन्धक ग्लोवल आइएमई क्यापिटलका अनुसार शुक्रबार कार्यालय समयभित्र ६२ हजार ४०० बढी आवेदकले एफपिओ आवेदन गरेका छन् । प्रारम्भिक तथ्याङ्क अनुसार नै १६ हजार बढी आवेदकले सेयर प्राप्त गर्न नसक्ने तथ्याङ्क देखिएको हो ।
निष्काशित एफपिओ ४६ हजार ३८२ जनालाई १० कित्ता बाँडफाँड गर्न पुग्छ । बाँकी रहेको ६ कित्ता सेयर ४६ हजार ३८२ जनामध्ये फेरी गोलाप्रथाबाट भाग्यमानी ६ आवेदकले ११ कित्ता सेयर प्राप्त गर्नेछन् ।
बिक्री प्रबन्धकका अनुसार मेरो सेयरबाट परेको आवेदन बेलुकासम्म आउने भएकाले आवेदन संख्या अझै बढ्नेछ । यस अनुसार थपिएका आवेदक संख्या अनुसार सेयर प्राप्त नगर्नेको संख्या अरु थपिनेछ ।
एफपिओमा पर्यो १३ गुणा बढी आवेदन
बैंकले ९ करोड २७ लाख ६५ हजार २०० रुपैयाँको एफपिओ निष्काशन गरेकोमा गुणा बढी अर्थात एक अर्ब २१ करोड ११ लाख रुपैयाँ बराबरको ६० लाख ५५ हजार ५०० कित्ताको आवेदन परेको हो । जुन कूल निष्काशन रकमको १३.०६ गुणा बढी हो ।
बैंकले एक सय रुपैयाँ अंकित मूल्यमा एक सय रुपैयाँ नै प्रिमियम थपेर प्रतिकित्ता २०० रुपैयाँका दरले एफपिओ निष्काशन गरेको थियाे । एफपिओपछि बैंकको चुक्ता पूँजीमा ४ करोड ६३ लाख रुपैयाँ थपिनेछ भने त्यति नै रकम जगेडा कोषमा जम्मा हुनेछ ।