सेयर बजार निरन्तर ओरालो लागेपछि धेरै कम्पनीको सेयरमूल्य आईपिओकै भाउमा झरेको छ । एक दर्जन बढी कम्पनी सेयरमूल्य आईपिओकै भाउमा अाएको छ । आईपिओ भरेको लागत हिसाब गर्ने हो भने २० कम्पनीको सेयरमूल्य आईपिओकै भाउमा झरेको छ । २० कम्पनीमध्ये ११ वटा फाइनान्स, पाँच हाइड्रोपावर, चार विकास बैंक रहेका छन् ।
दुई कम्पनीहरुको सेयरमूल्यमा आईपिओको भाउभन्दा सस्तो रहेको छ । नेशनल हाइड्रोपावर कम्पनीको सेयरमूल्य आईपिओभन्दा २३ रुपैयाँ कम ७७ रुपैयाँमा अाएकाे छ र वर्ल्ड मर्चेन्ट बैंकिङ्ग एण्ड फाइनान्स कम्पनीको सेयरमूल्य ९५ रूपैयाँमा झरेको छ । आइतबारकाे बजारमूल्य अनुसार बेष्ट फाइनान्स, कर्पोरेट डेभलपमेन्ट बैंक, र जेबिल्स् फाइनान्सको सेयरमूल्य एक सय रुपैयाँमा नै रहेको छ ।
प्रोगेशिभ फाइनान्स, सिटी एक्सप्रेस फाइनान्स, दिव्यश्वरी हाइड्रोपावर, कर्णाली डेभलपमेन्ट बैंक, खानीखोला हाइड्रोपावर र गोर्खाज फाइनान्स कम्पनीको सेयरमूल्य अधिकतम १०५ बीचमा रहेका छन् ।
सस्ता सेयरमूल्य भएका २० कम्पनीमध्ये हाथवे फाइनान्सको सबैभन्दा बढी १२३ रुपैयाँ रहेको छ । जुन माथिका कम्पनीहरुको आईपिओ पार्न लगानीकर्ताले खेपेको सास्ती र हैरानीको हिसाब गर्ने हो भने आर्इपिओको नै मूल्य हो ।
अर्काेतर्फ अहिले स्थानीय बासिन्दाका लागि आँखुखोला हाइड्रोपावर, युनियन हाइड्रोपावर, माथिल्लो तामाकोशी जलविद्युतले अाइपिअाेमा आवेदन खुला गरिरहेका छन् । यी सबै कम्पनीले अझै केही बर्ष लाभांश बाँडन सक्दैनन् । यस्ता कम्पनीको आईपिओ भनेर मरिहत्ते गरेर पछाडि लाग्नु भन्दा कम्पनी छानेर आईपिओकै भाउमा पाइने र यस बर्ष नै लाभांश बाँड्ने कम्पनीमा गरिने लगानी धेरै हदसम्म सुरक्षित र चाँडाे प्रतिफल दिनसक्ने लगानी बन्न सक्छ ।
बजार घटेर तल्लो बिन्दुमा आएको बेला आइपिओकै भाउमा आएका कम्पनीमध्ये कम्पनीको व्यवस्थापन, उनिहरुको विगतको गरेका र भविष्यमा गर्नसक्ने प्रगति, लाभांश वितरण अवस्था, आदिको अध्ययन गरेर राम्रा कम्पनी छानेर लगानी बढाउन सकेको खण्डमा गत बर्षको नाफाबाटै लगानीकर्ताले न्यून लगानीबाट उचित प्रतिफल प्राप्त गर्नसक्छन् । यद्यपी कम्पनीको सेयरमूल्य निरन्तर घट्नुमा विभिन्न कारक तत्व जिम्मेवार रहने हुनाले यसतर्फ भने लगानी गर्नुपुर्व सावधानी अपनाउनु जरुरी हुन्छ ।
बजार घटेसँगै थाेरै सेयरमूल्य भएका कम्पनीकाे सेयरमूल्य मात्र झरेकाे छछैन । उच्च सेयरमूल्य हुने कम्पनीकाे अवस्था पनि उस्तै छ । सेयर बजार ओरालो लाग्दा ब्लू चिप कम्पनी मानिने कम्पनीकाे सेयरमूल्य पनि निकै तल झरिसकेकाे अवस्था छ ।
एक हजार २०० रुपैयाँभन्दा बढी सेयरमूल्य हुने कम्पनी करिब दुई दर्जन मात्र रहेको छ । जसमध्ये ११ वटा लघुवित्त कम्पनी, तीन उत्पादनमूलक, निर्जीवन बीमा कम्पनी दुई, राष्ट्रिय बीमा कम्पनी संस्थापक, जीवन बीमा कम्पनी एक, ब्यापार र अन्य समूहको एक/एक कम्पनी रहेका छन् ।
सबैभन्दा बढी सेयरमूल्य रहेको उत्पादन समूहको युनिलिभरको सेयरमूल्य नै २३ हजार ६० रुपैयाँमा झरेको छ । सेयरमूल्यको आधारमा दोस्रो ठूलो कम्पनी राष्ट्रिय बीमा कम्पनीको १० हजार एक सय रुपैयाँ रहेको छ भने बाँकी सबै कम्पनीको सेयरमूल्य १० हजारभन्दा कम रहेका छन् ।
पाँच हजार रुपैयाँभन्दा बढी सेयरमूल्य हुने ४ कम्पनी, दुई हजारभन्दा बढी हुने ९ कम्पनी रहेका छन् । एक हजार २५० देखि दुई हजारसम्म मूल्य हुने ११ कम्पनी रहेका छन् । जसमध्ये सबैभन्दा कम वोमी माइक्रोफाइनान्सको एक हजार २५५ रुपैयाँ रहेको छ ।
उच्च सेयरमूल्य हुँदैमा लगानीका लागि शतप्रतिशत सुरक्षित हुन्छ भन्ने हुँदैन । सेयरमूल्य उच्च हुने कम्पनीमा लगानीकर्ताको लागत बढी पर्ने हुँदा कम प्रतिफल प्राप्त हुन्छ भने बजारमूल्य घट्दा धेरै घाटा ब्यहोर्नुपर्ने सम्भावना पनि उत्तिकै रहन्छ ।
यस आधारमा कस्ता कम्पनी खरिद गर्ने भन्ने कुराको निर्णय लगानीकर्ता आफैँले कम्पनीको व्यवस्थापकिय क्ष्मता, वित्तीय विवरणको आधारमा आधारभुत अवस्थाको विश्लेषण गरेर मात्र लगानी गर्नु श्रेष्ठकर हुन्छ ।