कम्पनीको शेयर निष्काशक तथा बिक्री प्रबन्धक नागरिक लगानीकोषका अनुसार विहिबार साँझ ५ बजेसम्म ८२ करोड ३५ लाख ८४ हजार रुपैयाँ बराबरको आवेदन परेको छ ।
नागरिक लगानीकोषका पूँजीबजार महाशाखाका प्रमुख रोशनजंग कार्कीले ४१ हजार ९६ आवेदकले ८२ लाख ३५ हजार ८५० कित्ता शेयर माग गर्दे आवेदन गरेको मेरो लगानीलाई जानकारी दिए । उनका अनुसार यो विवरण विहिबार साँझ ५ बजेसम्मको मात्र हो ।
५ बजे पछि आवेदन गर्नेको विवरण समेत समावेश गर्दा झण्डै एक अर्ब बराबरको आवेदन परेको अनुमान गर्न सकिन्छ । आईपिओमा अनलाइन आवेदन गर्न सकिने हुँदा जुनसुकै बेला पनि आवेदन गर्न सकिन्छ ।
तामाकोशीले एक अर्ब ५८ करोड ८५ लाख रुपैयाँ बराबरको एक करोड ५८ लाख ८५ हजार कित्ता साधारण शेयर (आईपिओ) कार्तिक १५ गतेदेखि खुला गरेको हो । यस आईपिओमा लगानीकर्ताले न्यूनतम ५० कित्तादेखि अधिकतम एक हजार कित्तासम्म आवेदन गर्न पाइने व्यवस्था रहेको छ ।
आईपिओमा कात्तिक १९ गतेसम्म आवेदन दिन सकिने व्यवस्था रहेको छ ।
धितोपत्र बोर्डबाट सि आश्वा अनुमति प्राप्त बैंक तथा वित्तीय संस्थाबाट ७७ जिल्लाबाटै आईपिओमा आवेदन गर्न सकिने व्यवस्था छ । मेरो शेयर प्रयोगकर्ताले अनलाईबाटै आवेदन दिन सक्नेछन् । आईपिओ बिक्री गर्न सेयर विक्री प्रबन्धकको काम नागरिक लगानी कोष र सनराइज क्यापिटलले गरेका छन् ।