वित्तीय बजार सुधारको कामसँगै शेयर बजारमा उछाल, कति दिगो ?

Dec 23, 2018 Merolagani

वित्तीय बजार सुधारका लागि सरकारले पहलकदमी लिएसँगै शेयर बजारमा उछाल देखिएको छ । आइतबार कारोबार खुल्ने बितिक्कै नेप्सेमा २० अंक बढीको सुधार देखिएको छ । तिब्र गतिमा २२ अंकसम्म बढेको बजार यो सामग्री तयार गर्दासम्म १८ अंकको वृद्धिमा छ ।

वाणिज्य बैंकहरुको व्याजदर फराकिलो अन्तरले घटेपछि त्यसको सिधा असर शेयर बजारमा देखिएको हो ।

बजार खुलेको एक घण्टामा साढे १२ लाख कित्ता शेयर कारोबार भई सकेको छ भने ३४ करोड बढीको कारोबार भैसकेको छ ।

खास गरि मुद्रा तथा शेयर बजार सुधारबारे अध्ययन गर्न गठित कार्यदलले अर्थमन्त्रीलाई बुझाएको प्रतिवेदन र वाणिज्य बैंकहरुको ब्याजदर नियन्त्रण गर्न राष्ट्र बैंकले चालेको छलफल आइतबार बजार बढ्नुको मुख्य पुष्ठभूमी मानिएको छ ।

मुद्रा तथा शेयर बजार सुधारबारे अध्ययन गर्न गठित कार्यदलले अर्थमन्त्रीलाई बुधबार ५८ बुँदे सुझाव प्रतिवेदन बुझाएको थियो । दुई दिनसम्म गोप्य राखिएको प्रतिवेदन अर्थ मन्त्रालयद्धारा शुक्रबार सार्वजनिक हुनु र आइतबार बजारमा सुधार देखिनुलाई लगानीकर्ताको मनोबल बढेको रुपमा हेर्न थलिएको छ ।

यता सोही प्रतिवेदनको कार्यान्वयन स्वरुप अर्थमन्त्रीको प्रत्यक्ष निर्देशनमा राष्ट्र बैंकद्धारा वाणिज्य बैंकहरुले तोकेको ब्याजदर घटाएर एउटा सीमा तोक्न सफल हुनु पनि आइतबारको बजारको लागि सकारात्मक संकेत बनेको छ ।

वाणिज्य बैंकहरुको ब्याजदर सीमा तोकिएसंगै विकास बैंक र फाइनान्सहरुले पनि आफ्नो ब्याजदर घटाएका छन् । केही साता अघिसम्म शेयर बजारबाट विश्वास गुमाइ सकेका लगानीकर्तामा फेरि आशा पलाएको आइतबारको बजारले संकेत गरेको छ ।

यो अवस्था जारी रहे शेयर बजारमा राम्रो सुधार हुने अनुमान गर्न सकिने अवस्था सृजना भएको छ । तर आइतबारको तिब्र गतिको वृद्धि भने बजारका लागि घातक हुन सक्छ । तर बजारप्रति नकारात्मक बन्नुपर्ने अवस्थाको अन्त्य भएको आंकलन गर्न सकिन्छ । तिब्र उतार चढावमा फस्ने खतरा भने अधिक रहेको बजारले देखाएको छ ।

बजार खुलेर एकाएक २३ अंकसम्म उक्लिएकोमा त्यो सन्तुलन हुने क्रममा छ । यसरी छिनभरमा उपल्लाे  बिन्दुमा कारोबार गर्दा कमाउने र गुमाउनेको अवस्था अधिक हुन्छ। यसले संयमित भएर कारोबार निर्णय गर्नुपर्ने देखाउँछ ।

बजारमा लगानीकर्ताको आकर्षण भने वाणिज्य बैंकहरुको शेयरमा देखिएको छ । २ विकास बैंक र एउटा जीवन बीमा कम्पनीसँगै ७ वाणिज्य बैंकको अधिक शेयर कारोबार भईरहेको छ ।

अधिक शेयर मूल्य बढ्ने कम्पनीको सूचीमा केही बीमा कम्पनी सहित साना तथा मझौला कम्पनी परेका छन् । शेयर मूल्य घट्ने कम्पनीको सूचीमा केही वित्त कम्पनीसँगै जलविद्युत कम्पनीको वर्चस्व देखिएको छ ।

comments powered by Disqus

सिटिजन्स र एक्सिस बैंक भारत बीच रेमिटेन्स सम्झौता

Jan 22, 2019

सिटिजन्स बैंक इन्टरनेसनल लिमिटेड र एक्सिस बैंक लिमिटेड, भारतबीच विप्रेषण सम्बन्धी सम्झौता भएको छ। यस अनुसार एक्सिस बैंक मार्फत भारतबाट नेपालमा रहेका आफन्त वा अन्य व्यक्तिहरुले भुक्तानी पाउने गरी पठाएको विप्रेषण रकम बैंकको ८१ वटा शाखाहरुबाट सहज रुपमा भुक्तानी पाउन सकिनेछ।