अहिले अर्थ मन्त्रालय र राष्ट्र बैंकले आपसी समन्वय गरी एकैरुपमा काम गरिरहेको भन्दै लगानी प्रतिकुल कुनै नीति नआएको र तत्काल आउने संभावना पनि नभएको उहांले स्पष्ट पार्नुभएको छ ।
‘सरकारले ल्याउने वित्तीय नीति र राष्ट्र बैंकले ल्याएको मौद्रिक नीति आपसमा मेल खाएको र लगानीकर्तालाई विश्वासमा लिने वातावरण बनाउन अर्थ मन्त्रालय लागि परेको प्रबक्ता पुडासैनीले बताउनुभयो ।
उहांका अनुसार लगानीकर्तालाई विस्वास दिलाउँन अर्थ मन्त्री डाक्टर रामशरण महतले छलफल तीब्र पार्नुभएको छ । उहांले अर्थमन्त्रीले चाडै नै आर्थिक सुधारका कार्यक्रमहरु ल्याउनसक्ने संकेत पनि गर्नुभयो ।
पूँजी बजारमा आएको उत्साहलाई राष्ट्र बैंकको पछिल्लो निर्देशनले गुमाइदिएको लगानीकर्ताको आरोप अश्वीकार गर्दै पुडासैनीले त्यो लगानीकर्ताको मनोबल गिराउने खालको नभएको बताउनु भयो ।
पूँजी बजारमा जलविद्युत र बीमा समूहको शेयर मूल्य अलि माथि गएको जस्तो देखिए पनि वाणिज्य बैंक समूह स्थिर रहेकाले बजारको अवस्था संतुलित नै रहेको उहाँको भनाई छ ।
