बिहीबार थप १७१ जनामा कोभिड १९ पुष्टि, खोप लगाउनेकाे कुल संख्या १,५८,४८७ पुग्याे

Feb 04, 2021 06:02 PM Merolagani

नेपालमा बिहीबार थप १७१ जनामा कोभिड १९ संक्रमण पुष्टि भएको छ । तीन हजार ८७८ नमुना परिक्षणमध्ये ११२ जना पुरुष र ५९ जना महिलामा संक्रमण देखिएको हो । जसमध्ये काठमाडौं उपत्यकाका ७८ जना रहेका छन् ।

थपिएका संक्रमितमध्ये काठमाडौंका ६१ जना, ललितपुरका १३ जना र भक्तपुरका ४ जना रहेको स्वास्थ्य तथा जनसंख्या मन्त्रालयले जानकारी दिएको छ । यस्तै मन्त्रालयले यस अवधिमा २२७ जनाले कोरोना संक्रमण जितेको पनि विवरण जारी गरेको छ । हालसम्म देशभरमा भएको २० लाख ८५ हजार ५७३ पसिीआर परीक्षणमा कुल दुई लाख ७१ हजार ६०२ जना कोरोना संक्रमण पुष्टि भएको छ । पुष्टि भएकामध्ये ९८.४ प्रतिशत अर्थात दुई लाख ६७ हजार २९२ जना संक्रमणमुक्त भइसकेका छन् ।

२४ घण्टामा कोभिड १९ संक्रमित भई दुई जनाको निधन भएको छ । योसँगै देशमा निधन हुनेको कुल संख्या दुई हजार ३३ पुगेको छ ।

हाल क्वारेन्टिनमा हुने ९२ जना, संस्थागत आइसोलेसनमा रहने ७७० जना र सक्रिय संक्रमित दुई हजार २७७ जना रहेका छन् ।

नेपालभर बिहीबारसम्म २०१ खोप बुथहरुबाट कुल एक लाख ५८ हजार ४८७ जनाले खोप लागएका छन् । तीमध्ये प्रदेश नं १ मा २१ हजार ७५४, प्रदेश २ मा २१ हजार १८५, बाग्मतीमा ५५ हजार ५०४, गण्डकीमा १७ हजार २६७, लुम्बिनीमा २३ हजार ७९८, कर्णालीमा आठ हजार ७२ र सुदूरपश्चिममा १० हजार ९०७ जनाले खोप प्राप्त गरेका हुन् ।

माघ २४ गतेसम्म चल्ने यस पहिलो चरणको खोप अभियानमा संलग्न हुन र गराउन स्वास्थ्य तथा जनसंख्या मन्त्तालयले स्वास्थ्य क्षेत्रसँग सम्बन्धित निकायहरुलाई आग्रह गरेको छ ।

comments powered by Disqus