विद्युत बिक्री आम्दानी घटेसँगै युनाइटेड मोदीको नाफा घट्यो

Feb 11, 2021 01:12 PM Merolagani

युनाइटेड मोदी हाइड्रोपावर (UMHL) ले चालु आर्थिक वर्षको दोस्रो त्रैमाससम्ममा १ करोड ५६ लाख रुपैयाँ खुद नाफा आर्जन गरेको वित्तीय विवरण प्रकाशित गरेको छ।

कम्पनीको यो नाफा गत आर्थिक वर्षको सोही अवधिको तुलनामा ५ करोड ९ लाख रुपैयाँ अर्थात ७६.४६ प्रतिशत कम हो। गत आर्थिक वर्षको सोही अवधिसम्ममा कम्पनीले ६ करोड ६५ लाख रुपैयाँ खुद नाफा कमाएको थियो।

कम्पनीको विद्युत बिक्री आम्दानी घटेपनि खर्च बढेपछि खुद नाफा घट्न दबाब पुगेको हो।

समीक्षा अवधिमा कम्पनीको विद्युत बिक्री आम्दानी १७ करोड ६१ लाख रुपैयाँबाट घटेर १५ करोड ६२ लाख रुपैयाँमा झरेको छ। यस त्रैमासमा पानीको बहाव कम भएकोले कम विद्युत उत्पादन भएको र नेपाल विद्युत प्राधिकरणबाट प्राप्त हुँदै आएको सूचीकृत दर २०७६ मंसिर ९ गतेदेखि समायोजन भइ पुरानै विद्युत खरिदबिक्री सम्झौतामा कायम दर भएकोले विद्युत बिक्री आम्दानी घटेको कम्पनीले जनाएको छ।

१ अर्ब १५ करोड रुपैयाँ चुक्ता पूँजी रहेको यस कम्पनीको जगेडा कोषमा २ करोड ८६ लाख रुपैयाँ सञ्चित छ।

कम्पनीको वार्षिक प्रतिशेयर आम्दानी २ रुपैयाँ ७२ पैसा रहेको छ। त्यसैगरी, कम्पनीको प्रतिशेयर नेटवर्थ १०२ रुपैयाँ ५० पैसा रहेको छ।

comments powered by Disqus

संस्थापक डुब्ने भनेको २० प्रतिशत मात्रै हो, तर जनता ८० प्रतिशत डुब्ने खतरा हुन्छः सतिशकुमार माेर

Mar 05, 2021 05:41 PM

नेपाल उद्याेग परिसंघले आत्म निर्भर अर्थतन्त्रकाे लागि मेक इन नेपाल अभियान शुरू गरेकाे छ । काेभिडकाे असर पछि मुलुक अझ बढी आत्म निर्भर बन्नु पर्ने देखेरै परिसंघले याे अभियान संचालन गर्ने तयारी गरेकाे जनाएकाे छ । याे अभियानले देश विकासका लागि सराेकारवालाहरूकाे साेच नै परिवर्तन गर्नु पर्ने आवश्यकता औँल्याएकाे छ ।