नेपालमा थप १२७ जना कोरोना संक्रमित थपिए, ४,००० पीसीआर परीक्षणमध्ये उपत्यकाका ५९ जनामा पुष्टि

Feb 12, 2021 05:34 PM Merolagani

नेपालमा थप १२७ जनामा कोरोना भाइरस पुष्टि भएको छ । २४ घण्टामा भएको चार हजार पीसीआर परीक्षणमा सो पुष्टि भएको हो । जसमध्ये ८० जना पुरुष र ४७ जना महिला रहेका छन् ।

स्वास्थ्य तथा जनसंख्या मन्त्रालयको नियमित विवरण अनुसार शुक्रबार थपिएका संक्रमितहरुमा काठमाडौं उपत्यकाका ५९जना रहेका छन् । काठमाडौंका ४४ जना, ललितपुरका १२ जना र भक्तपुरका ३ जना गरी सो संख्या पुगेको हो ।

यसैगरी २४ घण्टामा कोरोना संक्रमण जित्नेको संख्या १३६ रहेको छ । हालसम्म देशभरमा कोरोनामुक्त हुने दुई लाख ६८ हजार ७९६ जना रहेका छन् । यस्तै कुल २१ लाख ११ हजार ६४९ नमुना परीक्षण हुँदा संक्रमित हुनेको कुल संख्या दुई लाख ७२ हजार ५५७ जना रहेको छ ।

मन्त्रालयले दिएको तथ्यांक बमोजिम एक दिनमा २ जनाको मृत्यु भएको छ । अहिलेसम्म नेपालमा कुल दुई हजार ५४ जना संक्रमितले ज्यान गुमाएका छन् ।

हाल मुलुकमा सक्रिय संक्रमित हुनेको कुल संख्या एक हजार ७१७,संस्थागत आइसोलेसनमा रहने एक हजार चार र क्वारेन्टिनमा रहेनेको कुल संख्या ७९ रहेको छ ।

 

comments powered by Disqus