अष्ट्रेलियाका पब्लिसरले फेसबुकमा समाचार सामग्री सार्वजनिक गर्न सक्नेछन् तर अष्ट्रेलियनहरुले लिंक तथा पोष्ट पढ्न वा शेयर गर्न नसक्ने फेसबुकले जनाएको छ । अर्थात् अष्ट्रेलियन फेसबुक प्रयोगकर्ताहरुले अष्ट्रेलियाको वा अन्तरराष्ट्रिय समाचार शेयर गर्न असमर्थ छन् । यसबाहेक अन्तरराष्ट्रिय प्रयोगकर्ताहरुले पनि अष्ट्रेलियाका समाचार शेयर गर्न सक्ने छैनन् । यस प्रतिबन्धका कारण अष्ट्रेलियाको आकस्मिक सेवामा अत्यन्त नकरात्मक असर परेको छ ।
फेसबुकले किन गर्यो नयाँ कानुनको विरोध ?
वास्तवमा फेसबुक सीनेटमा आएका कानुनको विरोध गरिरहेको छ जसअन्तर्गत फेसबुक र गुगलले समाचार एजेन्सीका समाचार शेयर गर्दा रकम तिनुपर्नेछ । फेसबुकका रीजनल म्यानेजिंग डाइरेक्टर विलियम ईस्टनले प्रस्तावित कानुनले मुलरुपमा फेसबुकको प्रयोग समाचार शेयर गर्नकालागि मात्र गर्नेहरुले फेसबुकको प्लाटफर्म र पब्लिशरहरुको सम्बन्धलाई गलत ढंगले शेयर गरेको बताए । अष्ट्रेलियाका संचार मन्त्री फ्लेचरले भने सरकार आफ्नो फैसलाबाट पछि नहट्ने जानकारी दिए ।
फेसबुक र गूगलले प्रस्तावित कानुनको विरोध गरे
हाल अष्ट्रेलियन संसदले प्रस्तावित कानुनहरुका विषयमा बहस गरिरहेको छ जसले दुई प्लाटफर्मका हड्ताललाई अष्ट्रेलियन समाचार भुक्तानीमार्फत सम्झौता गराउन सक्दछ । यी दुबै प्लाटफर्महरुले प्रस्तावित कानुनको निन्दा गरेका छन् । गुगलले आफ्नो सर्च इन्जिनलाई पनि बन्द गर्ने चेतावनी दिएको छ । यद्यपी गुगलले आफ्नो शेकेस मोडलका अनुसार अष्ट्रेलियन समाचार मिडिया कम्पनीकासाथ भुक्तानीसम्बन्धि सम्झौता गर्दैछ । फेसबुकको तुलनामा गुगलको व्यापार मोडलमा समाचारले ठुलो भूमिका खेल्दछ ।
अष्ट्रेलियनहरुले चलाए 'बोयकट फेसबुक' अभियान
फेसबुक प्रयोगकर्ताहरुमाथि समाचार पढ्न तथा शेयर गर्नमा प्रतिबन्ध लगाइएपछि हाल अष्ट्रेलियाका नागरिकहरुले फेसबुक बहिस्कार गरिरहेका छन् । प्रयोगकर्ताहरुले फेसबुक कम्पनीलाई दबाब दिनकालागि 'डिलिट फेसबुक' नामक अभियान संचालन गरिरहेका छन् । ट्वीटरमा #deletefacebook, #FacebookWeNeedToTalk, #BoycuttZuckerberg जस्ता ह्यासट्याग ट्रेन्डिंगमा रहेको छ । कैयौँ मानिसहरुले आफ्नो फेसबुक एपलाई हटाइ पनि सकेका छन् ।
(दैनिक भाष्करबाट अनुवादित ।)
