ग्लोबल आइएमई बैंकबाट चितवनकाे ट्राफिक जरिवाना भुक्तानी सेवा सुरु

Feb 21, 2021 02:05 PM Merolagani

ग्लोबल आइएमई बैंकले (GBIME) चितवनकाे ट्राफिक जरिवाना वापत बुझाउनुपर्ने रकम बैंकिङ्ग प्रणालीबाट भुक्तानी गर्ने सेवा सुरु गरेको छ । ग्लोबल आइएमई बैंक र जिल्ला ट्राफिक प्रहरी कार्यालय, चितवनबीच भएको समझदारी अनुरुप चितवनभर सवारी नियम उल्लघंन हुँदा बुझाउनुपर्ने जरिवाना रकम बैंकका जुनसुकै शाखा कार्यालयबाट बुझाउन सकिनेछ ।

चितवनमा आयोजित एक कार्यक्रमबीच प्रहरी नायव महानिरीक्षक बसन्तकुमार लामाले उक्त सेवाको शुभारम्भ गरेका हुन् । ग्राहककाे सेवा तथा सुविधालाई मध्यनजर गर्दै बैंकले समयसमयमा यस किसिमका योजनाहरु ल्याएर ग्राहकहरुलाई लाभान्वित गर्दै आएको छ ।

बैंकका नारायणगढ शाखाका प्रबन्धक नारायण प्रसाद पौडेलले जिल्ला ट्राफिक प्रहरी कार्यालय चितवनको सहकार्यमा बैंकले आम जनमानसमा सरल सेवा प्रदान गर्ने कुरा व्यक्त गरेका छन् ।

बैंकले मुलुकभर तथा मुलुक बाहिर गरी सबै क्षेत्र र वर्गसम्म बैंकिङ्ग सेवाको पहुँच पु¥याउने उद्देश्यले ७ वटै प्रदेश तथा ७५ जिल्लामा बैंकको २७० शाखा, २४२ एटीएम, ४७ राजश्व संकलन एवम् एक्सटेन्सन काउन्टर, २४५ शाखा रहित बैंकिङ्ग सेवा तथा ३ वटा बैदेशिक प्रतिनिधि कार्यालयसमेत गरी करिब ८०० सेवा केन्द्र संचालन गरिरहेको छ ।


comments powered by Disqus

एनआईसी एशिया बैंक लिमिटेडको कम्पनी विश्लेषण

Mar 06, 2021 08:11 PM

दोस्रो बजारका लगानीकर्ताहरुको रोजाइमा पर्ने कम्पनीहरुमध्येको एक कम्पनी हो, एनआईसी एशिया बैंक (NICA)। आक्रमक व्यवसाय विस्तार गर्दै उच्च नाफा आर्जन गर्नुका साथै लगानीकर्ताहरुलाई पनि राम्रो प्रतिफल दिइरहेका कारण यो बैंक लगानीकर्ताहरुको रोजाईमा पर्न सफल भएको हो।