फागुन २ गते आइतबार ३४० रुपैयाँमा पहिलो कारोबार भएको यस बैंकको शेयर अहिले ६६० रुपैयाँमा कारोबार भइरहेको छ। पहिलो कारोबार दिनदेखि नै यस कम्पनीको शेयर सकारात्मक सर्किट लेभलमा कारोबार भइरहेको हो। बैंकको मार्केट डेप्थ हेर्ने हो भने पनि दैनिक सर्किट मूल्यमा लाखौँ खरिद आदेशहरु देखिन्छन्।
अहिले हेर्दा पनि बैंकको शेयरमा अत्याधिक खरिदचाप छ। यस समाचार तयार पार्दासम्ममा सर्किट लेभल अर्थात ६६० रुपैयाँमा मात्रै १० लाख १६ हजार कित्ता खरिद आदेश छ। त्यसैगरी, कुल ११ लाख ३३ हजार कित्ता शेयर खरिद आदेश रहेको मार्केट डेप्थमा देखिन्छ। लगानीकर्ताहरुले सर्किट लेभलमा नै खरिद गर्छुभन्दा पनि बिक्रीकर्ताहरु तयार देखिदैनन्।