स्वास्थ्य मन्त्रालयले भन्यो: 'प्रयोगशालाले समयमै रिर्पोटिङ नगर्दा बीमा दाबी भुक्तानीमा ढिलाई भयो'

Feb 22, 2021 05:14 PM Merolagani

कोभिड १९ परिक्षण गर्न अनुमति पाएका प्रयोगशालाहरुले परीक्षणको विवरण समयमै नपठाउदा कोरोना बीमा दाबी भुक्तानीमा ढिलाई भइरहेको स्वास्थ्य तथा जनसंख्या मन्त्रालयले जनाएको छ । मन्त्रालयले सोमबार एक सूचना जारी गर्दै प्रयोगशालाले समयमै रिर्पोटिङ नगर्दा कोरोना बीमाको दाबी भुक्तानी ढिलाई भएको जनाएको हो ।

सरकारबाट अनुमति पाएका प्रयोगशालाहरुले तोकिएको ढाँचामा दैनिक रुपमा २४ घण्टा भित्र राष्ट्रिय जनस्वास्थ्य प्रयोगशाला/ ईडिसीडीमा परीक्षणको रिपोर्ट पेश गर्नुपर्ने हुन्छ । तर त्यस अनुसार भएको नपाएपछि कोरोना संक्रमितको विवरणहरु भेरिफिकेशनमा समस्या भएको मन्त्रालयले जनाएको छ ।

मन्त्रालयले अबको सात दिन भित्र तोकिएअनुसार विवरण पठाउन छुट भएका विवरणहरु तोकिएको ढाँचामा अलग्गै पठाउन पनि निर्देशन दिएको छ ।

समयभित्र विवरणहहरु उपलब्ध नभएमा कोरोना बीमाको दाबी प्रमाणिकरणका लागि अयोग्य ठहरिने जनाउदै मन्त्रालयले बीमितलाई पर्न जाने कठिलाई प्रति प्रयोगशाला नै जिम्मेवार हुनुपर्ने चेतावनी दिएको छ ।

यस्तै नियमित तोकिए अनुसार रिर्पोटिङ नगरिएमा प्रयोगशालाको सम्बन्धन समेत खारेज गरी कारवाही गर्ने मन्त्रालयल चेतावनी दिएको छ ।

केहि व्यक्तिहरुको विवरणहरु कोभिड १९ परीक्षण गरिएको मितिभन्दा अगाडिको मितिमा नै राष्ट्रिय जनस्वास्थ्य प्रयोगशाला/इडिसीडीमा रिर्पोटिङ भएकोले उक्त फाइलहरु दाबी भुक्तानीको लागि अयोग्य रहेको मन्त्रालयले जनाएको छ ।

मन्त्रालयले कोरोना बीमाको दाबी भुक्तानीका फाइलहरु भेरिफिकेशनको काम तिव्र रुपमा भइरहेको जनाएको छ । हाल सम्म १८ हजार विवरण प्रमाणिकरणको लागि प्राप्त भएकोमा १५ हजार भन्दा बढी प्रमाणिकरण भइसकेको मन्त्रालयले जनाएको छ ।

comments powered by Disqus

रु रु जलविद्युतको आईपीओमा आवेदन दिने आज अन्तिम दिन

Mar 05, 2021 08:46 AM

रु रु जलविद्युत परियोजना लिमिटेडले फागुन ७ गतेदेखि निष्काशन तथा बिक्री खुला गरेको आईपीओमा आवेदन दिने आज (फागुन २१ गते) अन्तिम दिन रहेको छ। कम्पनीले आयोजना प्रभावित क्षेत्रका बासिन्दाहरुका लागि आईपीओ निष्काशन गरेको थियो।