यो सँगै देशभरका सम्पूर्ण सरकारी गाडीहरुमा इम्बोस्ड नम्बर प्लेट जडान भइरहेको छ । अब आगामी चैतबाट सार्वजनिक तथा निजी सबै सवारीसाधनमा अनिवार्य इम्बोस्ड नम्बर प्लेट राख्ने गरी यातायात व्यवस्था विभागले गृहकार्य अघि बढाइसकेको छ ।
नेपालमा करिब ३० लाखको हाराहारीमा साना तथा ठूला सवारीसाधन गुड्ने गर्छन । चैतबाट इम्बोस्ड नम्बर प्लेट राख्ने भएपछि सरकारले कुन सवारीमा इम्बोस्ड नम्बर प्लेटको लागी कति खर्च वा राजस्व बुझाउनुपर्छ भन्ने दर रेट तोकिसकेको अवस्था छ ।
सरकारले सार्वजनिक गरेको उक्त दर र राजस्वबारे तपाईंलाई जानकारी नभएको पनि हुन सक्छ । त्यसैले तपाईंको सवारीमा इम्बोस्ड नम्बरप्लेट राख्न खर्च कति लाग्छ जनकारी दिदैछौं । सबैभन्दा पहिला तपाईंले यातायात कार्यालय तथा यातायात व्यवस्था विभागमा सम्पर्क गर्नुपर्ने हुन्छ ।
यातायात कार्यालयमा इम्बोस्ड नम्बर प्लेटको लागी अबेदन दिनुपर्छ । विभागले नम्बर प्लेटको लागी विभिन्न कागजपत्र खोज्ने गर्छ । तपाईंले राजस्व बुझाइसकेपछि मात्र उक्त नम्बर प्लेटको लागी आवेदन दिन पाउनुहुन्छ ।
यातायात व्यवस्था विभागले इम्बोस्ड नम्बर प्लेटको लागी विभिन्न सवारीसाधनलाई फरक फरक मुल्य सूची सार्वजनिक गरेको छ ।
विभागका अनुसार नेपालमा १३ लाख भन्दा बढी दुई पाँग्रे सवारीसाधन रहेका छन् ।
यातायात विभागका महानिर्देशक गोगन हमालले इम्बोस्ड नम्बर प्लेटको लागी शुल्क नेपालमा सस्तो दरमा तोकिएको बताए । उनका अनुसार विभागले शुल्कको बिषयमा पुनरावलोकन पनि गरेको थियो तर, सस्तै शुल्क रहेको निष्कर्ष निकाल्यो ।
अहिले सरकारले इम्बोस्ड नम्बर प्लेट जडान गर्न दुईपाग्रे, तीन पाग्रे, चार पाग्रे र ठूला सवारीको रुपमा बर्गिकरण गरेको छ । जस अनुसार इम्बोस्ड प्लेट जोड्न दुई पाग्रेको हकमा २५ सय रुपैयाँ तोकिएको छ ।
त्यसैगरी, टेम्पोलगायत तीनपांग्रे साना सवारीमा यो प्लेट जोड्न दुई हजार ९०० रुपैयाँ र कार, जीप, भ्यान र ट्रयाक्टरलगायत चार पांग्रेलाई ३२ सय रुपैयाँ शुल्क निर्धारण गरिएको छ ।
तर, चार पाग्रे ठूला सवारीको हकमा इम्बोस्ड प्लेट राख्न ३६ सय रुपैयाँ शुल्क तिर्नुपर्छ । विभागमा इम्बोस्ड नम्बर प्लेटको शुल्क महँगो भएको भन्दै बारम्बर गुनासो आउने गरेको छ । तर, गुनासो र विरोध नै बीच सोहि रेट कायम भएको छ ।
सवारी साधन इम्बोस्ड शुल्क
मोटरसाइकल,स्कुटर २५००
टेम्पु, अटो, तीनपाग्रे २९००
जिप, कार, भ्यान ३२००
बस, ट्रक, ट्रयाक्टर ३६००
इम्बोस्ड नम्बर प्लेट फारम भर्ने तरीकाको जानकारीको लागी यहाँ जानुस्