बुधबार नेपाली शेयर बजारमा मात्र नभई भारतीय शेयर बजारमा पनि प्राविधिक गडबडी

Feb 24, 2021 06:17 PM Merolagani

बुधबार नेपाली शेयर बजारमा मात्र नभई भारतीय शेयर बजारमा पनि प्राविधिक गडबडी देखापरेको छ । जसकारण भारतीय बजारमा यसदिन कारोबार समयावधि थपेर ५ बजे पुर्याइएको हो ।

बिहान ११ बजेर ४० मिनेटदेखि नेशनल स्टक एक्सचेन्जका सबै सेग्मेन्ट बन्द रहेको थियो भने ३ बजेर ३५ मिनेटमा एनएसईमा कारोबार फेरि सुरु भएको थियो । त्यसभन्दा अघि ३ः३० बजे प्री ओपन मार्केट कारोबार सुरु भएको थियो । जसकारण बिएसईमा ५ बजेसम्म कारोबार भएको थियो ।

भारतीय नेशनल स्टक एक्सचेन्ज (एनएसई)को सिस्टममा बिहान ११ः४० मा समस्या देखिएको थियो । कारोबार रकम नै सिस्टममा नदेखिएपछि कारोबार रोकिएको थियो ।

प्राविधिक समस्या सल्टिएपछि मात्र कारोबार सुन सुचारु गरिएको थियो र कारोबार समय थप गरिएको थियो । यसकासाथै पेन्डिंगमा रहेका अर्डरहरुलाई रद्द गरिएको छ ।

नेपाल स्टक एक्सचेन्जको कारोबार व्यवस्थापन प्रणाली टिएमएसमा समस्या देखिएको थियो । बजार खुलेदेखिनै लगानीकर्ताले शेयर खरिदकिालागि अर्डर राख्न नमिल्ने समस्या भोग्नुपरेको थियो । यद्यपी कारोबार समय भने थप गरिएको थिएन ।

बुधबार भारतीय शेयर बजारमा लगातार दोश्रो दिन बढोत्तरी भएको छ । यस दिन बिएसई सेन्सेक्स १ हजार ३० अंकले बढेर ५० हजार ७८१.६९ विन्दुमा पुगेर कारोबार बन्द भएको छ । सुरुवातको कारोबारमा सूचकले सबैभन्दा उच्च स्तर ५० हजार ८८१.१७ विन्दु छोएको थियो ।

 

 

 

comments powered by Disqus

ग्रहको लागि ‘गम्भीर चेतावनी’ः कोइलाले आर्थिक सुधारलाई शक्ति दिइरहेको छ

Apr 20, 2021 08:38 PM

ग्लोबल कार्बन डाइअक्साइड उत्सर्जन यस वर्ष खतरनाक रुपले बढ्ने देखिन्छ किनभने विश्व अर्थव्यवस्था भारी रिकभरिबाट गुजरीरहेको छ।