फेब्रुअरी १ मा भएको सैनिक कु पश्चात सेनाको मूख्य पेजमाथि गाइडलाइन्सको उल्लंघनकाे कारण देखाउँदै फेसबुकले पहिलेदेखि नै रोक लगाएको छ ।
म्यानमारको सेनाले २०२० काे निर्वाचनमा मतदाता धोखाधडीकाे दाबी गर्दै साेकाे बारेमा प्रसारण तथा प्रचारकालागि फेसबुकको प्रयोग गरेको थियो ।
फेसबुकले बुधबार राती दिएको एक बयान अनुसार फेब्रुअरी १को सैनिक कु पछि भएका हिंसाका घटनालाई मध्यनजर गर्दै यस प्रतिबन्धको आवश्यकताको महसुस गरेको हो । सैनिक कुको विरोधमा भएको र्यालीमा भएको हिंसामा हालसम्म कम्तिमा तीन प्रर्दशनकारी तथा एक प्रहरीको मृत्यु भइसकेको छ ।
फेसबुकले यस प्रतिबन्ध अनिश्चितकालकालागि तथा तत्कालको प्रभावबाट लागू भएको बताएको छ । सेनाले अनलाईन असन्तुष्टि दबाउनकालागि समय समयमा इन्टरनेट बन्द गर्ने तथा फेसबुक ब्लक गर्ने जस्ता कदम उठाएको आलोचकहरुले बताएका छन् ।
म्यानमारको दुरसंचार कानुनको धारा ७७ का अनुसार सरकारले संकटकालको समयमा दुरसंचारका सबै माध्यम बन्द गर्न सक्दछ । म्यानमारमा फेसबुक इन्टरनेटको प्रमुख माध्यमका रुपमा रहेको छ ।