भारी गिरावटका बिचमा सेन्सेक्स २ हजार १४८.३३ अंकले घटेर यस दिनको सबैभन्दा तल्लो स्तर ४८ हजार ८९०.४८ विन्दुमा पनि ओर्लेको थियो । कारोबारमा संलग्न सबै ३० सूचक गिरावट भएको छ । एम एण्ड एम तथा ओएनजीसीको शेयरमूल्य सबैभन्दा धेरै ६ प्रतिशतले गिरावट भएको छ ।
अमेरिका तथा ईरानकाबिच बढ्दो तनावका कारण तथा विश्वभरको बजारको सेन्टिमेन्ट अमेरिकामा बढाइएको बोन्डमा भएका कारण पनि शेयर बजार गिरावट भएको भारतीय लगानीकर्ताहरुको भनाई छ ।
यस दिन बैकिंग तथा अटोको शेयरमूल्य सबैभन्दा बढिले घटेकाे छ । लगानीकर्ताले सबैभन्दा बढि बैकिंग तथा अटोको शेयर बिक्री गरेका छन् । जसकारण निफ्टी बैंक सूचक ४.७८ प्रतिशतले झरेर ३४ हजार ८०३.६० विन्दुमा र अटो सूचक ३.१२ प्रतिशतले घट्दा १० हजार १६९.९० विन्दुमा कारोबार बन्द भयो ।
अमेरिकी शेयर बजारमा भारी गिरावटको प्रभाव विश्वभरकाे शेयर बजारमा पनि परेको छ । फलस्वरूप शुक्रबार जापानको निक्केई सूचक एक हजार १७४ अंकले, हंगकंगको हेंगसेंग सूचक एक हजार ७६ अंकले तथा चीनको शंघाई कम्पोजिट सूचक र कोरियाको कोस्पी २/२ प्रतिशतले गिरावट भएको छ ।
अमेरिकामा बोन्ड ईल्ड बढ्दा र टेक्नोलोजी शेयरको बिक्री बढेका कारण मूख्य सूचक गिरावट भएको हाे ।
