स्वरोजगार लघुवित्तको मूल्य समायोजन

Feb 28, 2021 10:29 AM Merolagani

नेपाल स्टक एक्सचेञ्ज (नेप्से) ले फागुन १५ गते, शनिबार स्वरोजगार लघुवित्त वित्तीय संस्था लिमिटेड (SLBBL) को शेयरमूल्य समायोजन गरेको छ। लघुवित्तले साधारण सभा तथा लाभांश वितरण प्रयोजनार्थ बुकक्लोज गरेसँगै नेप्सेले शेयरमूल्य समायोजन गरी नयाँ मूल्य निर्धारण गरेको हो।

 नेप्सेले लघुवित्तको १२.३९ प्रतिशत बोनस शेयर समायोजन गरेको हो। समायोजनपश्चात लघुवित्तको शेयरमूल्य एक हजार ३१५ रुपैयाँ निर्धारण गरेको छ। नेप्सेले लघुवित्तको गत साताको अन्तिम कारोबार दिनको अन्तिम मूल्यको आधारमा मूल्य समायोजन गरेको हो। गत बिहीबार लघुवित्तको शेयर एक हजार ४७८ रुपैयाँमा अन्तिम कारोबार भएको थियो।

लघुवित्तले हाल कायम चुक्ता पूँजीको १२.३९ प्रतिशत बोनस शेयर र सोको कर प्रयोजनार्थ ०.६५ प्रतिशत नगद लाभांश वितरण गर्ने प्रस्ताव पारित गर्न फागुन २९ गते, नेपाल प्रज्ञा प्रतिष्ठान, कमलादीमा १२ औँ वार्षिक साधारण सभा बोलाएको छ।

हाल लघुवित्तको चुक्ता पूँजी ३६ करोड ५९ लाख रुपैयाँ रहेको छ। बोनस शेयर वितरणपश्चात लघुवित्तको चुक्ता पूँजी ४१ करोड १२ लाख रुपैयाँ पुग्नेछ।

comments powered by Disqus

ग्रहको लागि ‘गम्भीर चेतावनी’ः कोइलाले आर्थिक सुधारलाई शक्ति दिइरहेको छ

Apr 20, 2021 08:38 PM

ग्लोबल कार्बन डाइअक्साइड उत्सर्जन यस वर्ष खतरनाक रुपले बढ्ने देखिन्छ किनभने विश्व अर्थव्यवस्था भारी रिकभरिबाट गुजरीरहेको छ।