यस दिन छापावाला सुन प्रतितोला ८७ हजार ५०० रुपैयाँमा कारोबार भइरहेको छ । अघिल्लो कारोबार दिन सुन तोलामा एक हजार ७०० रुपैयाँले गिरावट भएर प्रतितोला ८७ हजार रुपैयाँ पुगेको थियो ।
यसैगरी बुधबार तेजाबी सुन प्रतितोला ८७ हजार ५० रुपैयाँमा खरिदबिक्री भइरहेको नेपाल सुनचाँदी व्यवसायी महासंघले जनाएको छ ।
सुनसँगै चाँदीको भाउमा पनि यस दिन बढोत्तरी भएको छ । महासंघको तथ्याङ्क अनुसार आज चाँदी तोलामा २५ रुपैयाँले वृद्धि भएर प्रतितोला एक हजार ३१५ रुपैयाँमा किनबेच भइरहेको छ । मंगलबार भने चाँदी प्रतितोला ४० रुपैयाँले ओरालो लागेर एक हजार २९० रुपैयाँमा झरेको थियो ।
अन्तरराष्ट्रिय बजारमा भने मार्च ३, बुधबार सुनचाँदीको भाउमा गिरावट देखिएको छ । सो बजारमा सुन प्रति अउन्स ३ डलर भन्दा धेरैले घटेर एक हजार ७३३ डलर बराबरमा कारोबार भइरहेको छ ।
चाँदी पनि सामान्य रुपमा ओरालो लागेर प्रति अउन्स २६ डलरमा किनबेच हुँदैछ ।
