फेसबुक प्रयोगकर्ताको डाटा भयो लिक, ५० करोड भन्दा धेरैको फोन नम्बरलगायतका विवरण इन्टरनेटमा

Apr 04, 2021 04:59 PM Merolagani

फेसबुकका ५० करोड प्रयोगकर्ताको डाटा इन्टरनेटमा लिक भएको छ । एक ह्याकरले प्रयोगकर्ताहरुको फोन नम्बर र अन्य विवरण निशुल्क सार्वजनिक गरेको दाबी गरिएको छ ।

यद्यपि सार्वजनिक भएका डाटा कुन देशका प्रयोगकर्ताको भएको भन्ने बारेमा यकिन छैन । विश्वभरमा फेसबुक प्रयोगकर्ताको संख्या दुई अर्ब ७ करोड भन्दा धेरै छ ।

यस लीकका विषयमा इजरायली साइबर क्राइम इन्टलीजेन्स फर्म हडसल रकका सह संस्थापक एलन गलको अलग धारण रहेको छ । उनका अनुसार यो डेटाबेस फेसबुकसँग जोडिएका फोन नम्बरहरुको उनै सेट जस्ता छन् जुन जनवरीबाट सर्कुलेट भइरहेको छ र टेक पब्लिकेशन मदरबोर्डले यसबारेमा रिपोर्ट दिइसकेको छ ।

गलले बताए अनुसार फेसबुक प्रयोगकर्ताहरु सामाजिक इन्जिनियरिङ आक्रमणका बारेमा सतर्क रहन आवश्यक छ । यस प्रकारका आक्रमणबाट ह्याकर्सले आउने समयमा प्रयोगकर्ताहरुको फोन नम्बर र व्यक्तिगत डाटा पाउन सक्नेछन् ।

हालको यस लीकका विषयमा गलले केहि डाटा भेरिफाई गरेका छन् जसमध्ये केहि उनका पिरिचित व्यक्तिहरुको फाेन नम्बर रहेको छ । गल बाहेक अन्य केहि पत्रकारहरुले पनि यहि विषयमा बोलेका छन् तर फेसबुकले भने यो डाटा धेरै पुरानो भएको बताएको छ । यो अगस्ट २०१९ मा सच्चाइएको डाटा भएको फेसबुकको भनाई छ ।

 

comments powered by Disqus

घोषणापत्र थमाउँदै एमालेका नेताले अर्थमन्त्रीलाई भने,‘यसैलाई मूलमन्त्र ठानेर बजेट ल्याउनुस’

Apr 18, 2021 05:59 PM

अर्थमन्त्रालय बजेट तर्जुमाका लागि जुटिरहेका बेला सरोकारबालाहरुले दिएका सुझावको ‘चाङ’ लागेको छ । अर्थमन्त्रालयले सार्वजनिक सूचना नै निकालेर आर्थिक वर्ष २०७८/७९ को बजेट तथा कार्यक्रमको लागि सुझाव दिन आब्हान गरेपछि सरोकारवालाले दिएको सुझावको चाङ नै लागेको हो ।