कम्पनी २०२१ अप्रिल ५ मा मोबाइल निर्माणबाट पछि हट्ने भएको छ । कम्पनीको यस निर्णयले दक्षिण अमेरिकामा भएको यसको शेयर १० प्रतिशत छोडिनेछ । यस कम्पनी उत्तरी अमेरिकामा एलजी ब्राण्डका आधारमा तेश्रो नम्बरमा छ जुन एप्पल इंक र स्यामसंग इलेक्ट्रोनिक्सद्वारा पछि पारिएको छ ।
एलजीको मोबाइलले करिब ६ वर्ष देखि ४.५ बिलियन डलर नोक्सानी बेहोरिरहेको कम्पनीले जनाएको छ । प्रतिस्पर्धात्मक बजारबाट हात निकाल्दा यस कम्पनीले विद्युतिय सवारीसाधन, सम्बन्धित उपकरण तथा स्मार्ट होम्स लगायतका क्षेत्रमा केन्द्रित हुने जनाएको छ ।
समय अनूकूल हुँदा एलजीले सुरुवातमा अल्ट्रा वाईड क्यामरा एंगलसहित बजार प्रवेश गरेको थियो र सन् २०१३ मा एपपल र स्यामसंगपछि विश्वको ठुलो स्मार्टफोन निर्माता कम्पनी बनेको थियो । तर पछि यसको फ्ल्यागशिप मोडल सफ्टवयर र हार्डवयरबाट दुर्घटनाग्रस्त हुँदा सफ्टवेयर अपडेट शुस्त हुन पुग्याे र कम्पनी बिस्तारै ओरालो लाग्यो । अन्य चिनियाँ प्रतिस्पर्धी कम्पनीहरुको तुलनामा यस कम्पनी बजारीकरणमा पनि पछि रहेको विश्लेषकहरुले आलोचना गरेका छन् ।
हाल यस कम्पनीको विश्वव्यापी शेयर केवल २ प्रतिशत रहेको छ । गत वर्ष यसले २३ मिलियन फोन उत्पादन गरी बजार पठाएको थियो । स्यामसंगले भने सो समयमा २५६ मिलियन मोबाइल फोन बजारमा आपूर्ति गरेको थियो । उत्तरी अमेरिकामा मात्र नभई यस कम्पनीको फोनको ल्याटिन अमेरिकामा पनि ठुलाे उपस्थिती रहेको छ जहाँ यो ब्राण्डका आधारमा पाचौं स्थानमा छ ।
दक्षिण अमेरिकामा भने स्यामसंग र ओप्पो, भिभो, जिओमी जस्ता चिनियाँ कम्पनीहरुले नाफा कमाउने आशा गरिएको छ । यस्तै नोकिया, एचटिसी र ब्ल्याकबेरी पनि खस्किएको छ ।
दक्षिण कोरियामा यस डिभिजनका कर्मचारीहरुलाई अन्य एलजी इलेक्ट्रोनिक्सका व्यवसायमा स्थानतरण गरिने भएको छ भने कर्मचारीका विषयमा अन्य निर्णय स्थानिय तहमा हुनेछ ।
