दिन प्रतिदिन कोरोना संक्रमितको संख्या बढ्दै, व्यवसायहरु अनिवार्य रुपमा ९ बजेपछि बन्द गर्नु पर्ने

Apr 07, 2021 06:24 PM Merolagani

नेपालमा दिन प्रतिदिन कोरोना संक्रमितको संख्या बढिरहेको छ । स्वास्थ्य तथा जनसंख्या मन्त्रालयका अनुसार बुधबार २९८ जनामा कोभिड १९ पुष्टि भएको छ । चार हजार १०० जनामा भएको पीसीआर परीक्षणबाट सो पुष्टि भएको हो ।

बुधबार ७४ जना कोरोना मुक्त भएका छन् भने २ जनाले संक्रमणका कारण ज्यान गुमाएका छन् । यसअघि मंगलबार २६० जनामा र सोमबार २६६ जनामा कोरोना भाइरस पुष्टि भएको थियो । त्यसभन्दा अघिल्ला दिनमा १५० जनाको हाराहारीमा कोभिड १९ संक्रमण भेटिएको थियो । यस हिसाबले यस साताभित्रै संक्रमितको संख्या झण्डै दोब्बरले वृद्धि भएको छ ।

यसैगरी स्वास्थ्य तथा जनसंख्या मन्त्रालयले संक्रमणको संख्यामा भएको वृद्धिलाई मध्यनजर गर्दै जनस्वास्थ्यको मापदण्डको पालना गर्न सर्वसाधारणलाई सूचना जारी गरेको छ । बुधबार एक विज्ञप्ती जारी गर्दै मन्त्रालयले बढ्दो जनस्वास्थ्यका मापदण्डको उल्लंघन र संक्रमण तथा बेलायत भेरियन्टको बढ्दो संख्यालाई मध्यनजर गर्दै केहि निर्णय गरेको जनाएको छ ।

ती निर्णय अन्तर्गत शैक्षिक संस्थाहरुमा उच्च सर्तकता अपनाउन, सार्वजनिक यातायातमा भीडभाड कम गर्न, कन्ट्याक्ट ट्रेसिंग बढाउन र एन्टिजेन वा पसिआिर परीक्षण बढाउन, घरबाहिर अनिवार्य मास्कको प्रयोग गर्न र गराउन र रात्रीकालिन व्यवसायहरु अनिवार्य रुपमा ९ बजेपछि बन्द गराउने लगायतका विषय अनुरोध गरेको छ ।

comments powered by Disqus

राजनीतिक अस्थिरता र कोरोना भाइरस संक्रमण फैलिदै गएकाे अवस्थामा बजेट निर्माण गर्नु चुनौतिपूर्ण

Apr 19, 2021 06:54 PM

 डा. डिल्लीराज खनाल
अहिलेको गम्भिर बहस तथा छलफलको बिषय नै दोस्रो चरणको कोरोना भाइरस र यसले पार्ने प्रभावका बारेमा नै केन्द्रित हुन थालेको छ । पहिलो चरणको कोरोना भाइरसको संक्रमण पछि अर्थतन्त्र पुर्नस्र्थापनाको प्रक्रियामा थियो । सबैले भन्ने गरेको अर्थतन्त्रले ‘लय’ समाप्ने दिशामा लागेको थियो ।