विगतमा सिटिजन्स् बैंकको प्रमुख लगानीकर्ता रहेका पूर्व मुख्यसचिव डा. विमल कोइराला, डा. आरजु देउवा, डा. रामशरण महतकी पत्नि विना महतको सेयर खरिद गरेपछि उनी समस्यामा परेका बैंक, वित्तीय संस्थालाई कौडीको भाउमा आफ्नो संस्थामा गाभ्ने रणनीतिमा लागेका हुन । बैंकको यस रणनीतिप्रति राष्ट्र बैंक पनि सन्तुष्ट नभएको बुझिएको छ ।
पछिल्लो पटक सिटिजन्स् बैंकसँग गाभिएको पिपल्स फाइनान्सको शेयर ३० प्रतिशत स्वाप रेसियोका दरले खरिद गरिएको थियो । यसबाट उक्त फाइनान्सका शेयरधनी चिढिएका छन् । उता यस अगाडि गाभिएको नेपाल हाउजिङ एण्ड मर्चेन्ट फाइनान्सको शेयर स्वाप रेसियो ३५ थियो ।
स्रोतका अनुसार सिटिजन्स् बैंकसँग गाभ्ने प्रक्रियामा रहेको प्रिमियर फाइनान्सको शेयर स्वाप रेसियो २५ प्रतिशत प्रस्ताव गरिएको छ । सस्तो मूल्यमा साना कम्पनीलाई गाभिरहेको बारेमा बैंकका अधिकारीहरु भने विस्तृत जानकारी दिन तयार देखिएनन् ।
सिटिजन्स बैंकको चुक्ता पूँजी दुई अर्ब ३७ करोड रहेकोमा नेपाल हाउजिङ, पिपल्स फाइनान्स गाभिएपछि दुई अर्ब ५० करोड नाघ्ने छ । हाल पिपल्स फाइनान्सको चुक्ता पूँजी २९ करोड ५६ लाख रुपैंया रहेको छ भने नेपाल मर्चेन्टको १९ करोड १२ लाख रहेको छ ।
