महासंघका अनुसार यस दिन छापावाल सुन प्रतितोला एक लाख ६ हजार ३०० रुपैयाँ पुगेको छ । यस्तै, तेजाबी सुन प्रतितोला एक लाख पाँच हजार ८०० रुपैयाँमा कारोबार भइरहेको छ । हालसालै सुनको मूल्यले बनाएको नयाँ रेकर्डभन्दा आजको मूल्य ७०० रुपैयाँले कम छ । गत साताको बिहीबार सुनको मूल्य प्रतितोला एक लाख ६ हजार ९०० पुगेर ऐतिहासिक रेकर्ड कायम गरेको थियो ।
आइतबार पनि सुनको मूल्यमा वृद्धि भएको थियो । हिजो सुन तोलामा २०० रुपैयाँले बढेर प्रतितोला एक लाख ६ हजार रुपैयाँमा खरिदबिक्री भएको थियो ।
सोमबार चाँदीको भाउ भने स्थिर रहेको छ । आज चाँदी प्रतितोला एक हजार ३६५ रुपैयाँ कायम रहेको छ । हिजो चाँदी तोलामा १५ रुपैयाँले घटेको थियो ।