अर्थमन्त्री महतले वित्तीय क्षेत्रको नियमन र सुपरिवेक्षण थप प्रभावकारी बताएर स्वस्थ प्रतिस्पर्धी र भरपर्दो गराउने दाबी गरे ।
मुलुकको अर्थतन्त्र क्रमशः सकारात्मक दिशातर्फ अघि बढेको पनि उनले बताए । पूँजीगत खर्चको प्रभावकारिताका लागि गरिएको निरन्तर पहल, मौद्रिक नीतिमा पछिल्लो समय अपनाइएको केही लचकता एवं वित्त नीति र मौद्रिक नीति बीचमा तालमेल गर्न गरिएको प्रयासबाट अर्थतन्त्र क्रमशः सकारात्मक दिशातर्फ अघि बढ्न सफल भएको अर्थमन्त्री महतले बताए।
उनले विद्युत उत्पादन र पर्यटक आगमन वृद्धि हुनुका साथै विदेशी लगानी बढ्नुले अर्थतन्त्रमा सकारात्मक योगदान पुगेको समेत उल्लेख गरे । उनले वाह्य क्षेत्रतर्फ चालु खर्च सोधान्तर बचतको अवस्था र विदेशी विनिमयको पर्याप्त सञ्चितिले आर्थिक क्रियाकलापका लागि अनुकुल वातावरण सिर्जना गरेको बताए।
साथै सहकारी क्षेत्रको नियमनका लागि आवश्यक कानुन र संस्थागत व्यवस्था मिलाउने छ । लघुवित्त र सहकारी संस्थाका बचतकर्ताहरुको बचतको सुरक्षाको व्यवस्था मिलाउने बताए ।