यो अनौठो घटना भारतस्थित आगराकाे हाे । एक महिला यितसम्म मम प्रेमी थिइन् कि उनले आफ्ना श्रीमानलाई हरेक दिन म:म खुवाउने शर्त राखेकी थिइन्। आफ्नी श्रीमतीलाई खुसी पार्न उनले पनि दिनहुँ म:म ल्याएर खुवाइरहेका थिए । तर एक दिन ल्याउन नसकेपछि ती महिलाले आफ्ना श्रीमानलाई सजाय दिने निर्णय गरिन् ।
उनी रिसाएर आफ्ना आमाबुवाको घर पुगिन् । त्यसपछि श्रीमानले खानपानको ख्याल नगरेको भन्दै उनले प्रहरीमा उजुरी समेत दिइन् । उनलाई मोमो असाध्यै मन पर्ने गरेकाे तर उनका पतिले उनको लागि म:म नल्याउकाे उनले बताएकी छिन् । जसकारण रिसाएर उनी बाबुआमाको घरमा गएकाे र त्यसपछि विवाद पारिवारिक परामर्श केन्द्रमा पुगेकाे थियाे । दुवै पक्षबीच कुराकानी भएपछि आपसी मेलमिलाप भएको थियो ।
श्रीमानले आफ्नो बचाउमा कारखानाबाट फर्किन ढिलो हुँदा म:म नपाएकाे र कहिलेकाहिँ हतारमा गल्ती हुने स्विकारेका छन्। यसकासाथै उनले अबबाट जे जस्ताे अवस्थामा पनि हरेक दिन म:म लिएर नै घर आउने समेत वाचा गरेका छन् । उक्त सर्त स्वीकारेपछि नै दुई परिवारबीच सम्झौता भएकाे थियाे र अन्ततः ती महिला श्रीमानसँग बस्न मानेकी थिइन् ।