आईएलएफसिओले चैत्र १७ गतेदेखि सर्वसाधारणका लागि शेयर जारी गर्न लागेको हो । आईएलएफसिओले निश्काशन गर्ने चार लाख कित्ता मध्ये सामुहिक लगानी कोषका लागि २० हजार र कर्मचारीका लागि आठ हजार कित्ता छाडी बांकी शेयरमा सर्वसाधारणले २० कित्ता देखि एक हजार कित्तासम्मको दरले आबेदन गर्न पाउने छन् । सिभिल क्यापिटल निश्काशन तथा बिक्री प्रबन्धक रहेको सो कम्पनीको शेयरमा आबेदन गर्न सिभिल क्यापिटल, आईएलएफसी फाईनान्सका शाखा कार्यालयहरु, बागमति डेभ्लपमेन्ट बैंक सर्लाही र जनता बैंकको धनगढी शाखामा चैत्र २० गतेसम्म आबेदन बुझाउन सकिने जनाईएको छ ।
यस माइृक्रोफाईनान्सलाई ईन्टरनेशनल लिजिङ एण्ड फाईनान्स कम्पनीले प्रबद्र्दन गरेको होे । यसको चुक्ता पूँजी छ करोड रहेकोमा सर्वसाधारणको हिस्साको शेयर निश्काशन हुन लागेको हो । कम्पनी गत असार मसान्तसम्म ३७ लाख रुपैयाँले नाफामा रहेको छ ।
किन बढ्यो आकर्षण ?
पछिल्लो समयमा लघुवित्त कम्पनीहरुको शेयरमा लगानीकर्ताहरुको आकर्षण बढिरहेको छ । नेपाल स्टक एक्सचेन्जको कारोबारमा लघुवित्त बिकास बैंकहरुको शेयर मूल्य आकाशिएको अबस्था छ भने प्राथमिक शेयर निश्काशनमा पनि लगानीकर्ताहरुको उत्तिकै धेरै ओईरो लाग्ने गरेको छ । केही समय अघि जनउत्थान लघुवित्तले निश्काशन गरेको ९० हजार कित्ता शेयरको लागि तीन सय ५५ गुणा बढी आबेदन परेको थियो । एक सय रुपैयाँमा आबेदन गर्दा पाईने माईक्रो फाईनान्सको शेयर दोस्रो बजारमा कम्तिमा सात सय रुपैयाँमा सजिलै बिक्री हुने अबस्था रहेकाले लगानीकर्ताहरु माईक्रोफाईनान्सको शेयरमा लगानी गर्न झुम्मिने गरेका देखिएको छ ।
click here to enlarge image
यो पनि हेर्नुहोस्
बरुण हाईड्रो र जनउत्थान लघुवित्तको शेयर पाउनु भाग्योदय चिठ्ठा जस्तै हुने