मेरो माइक्रोफाइनान्सको नाफा झण्डै दोब्बर बढ्यो
मेरो माइक्रोफाइनान्स वित्तिय संस्था लिमिटेड (MMBSL) ले गत आर्थिक वर्षको तुलनामा १ करोड ४० लाखले बढी खुद नाफा गरेको छ । गतवर्षको पुस मसान्तसम्ममा १ करोड ५६ लाख खुद नाफा गरेको बैंकले चालु आर्थिक वर्षको पहिलो ६ महिनामा आफ्नो खुद नाफा २ करोड ९७ लाख रुपैयाँले गरेको छ । जुन गत आर्थिक बर्षको भन्दा झण्डै ९० प्रतिशत बढि हो ।
बैंकको व्याज आम्दानीमा पनि भारी वृद्धि भएको छ । चालु आर्थिक वर्षको पुस मसान्तसम्म बैंकले ११ करोड २२ लाख व्याज आम्दानी गरेको छ जुन गर्तवर्षको तुलनामा झण्डै ७ करोड रुपैयाले बढी हुन आउँछ । गतवर्ष सोही अवधिमा बैंकले ४ करोड ६० लाख व्याज आम्दानी गरेको थियो ।
१३ करोड ८८ लाख चुक्ता पुजी भएको बैंकको जगेडामा भने ७ करोड २२ लाख रुपैया रहेको छ ।
बैैकले यो अवधिमा १७ करोड १५ लाख रुपैया निक्षेप संकलन गरी १ अर्व २३ करोड ८६ लाख कर्जा प्रवाह गरेको छ ।
चालु आर्थिक वर्षमा खराब कर्जा अनुपात भने वृद्धि भएको छ । गतवर्ष यो अवधिमा शुन्य प्रतिशतमा खराबकर्जा बढेर ०.७७ प्रतिशत भएको छ ।
गतआर्थिकबर्षको मुनाफाबा १५ प्रतिशत बोनश शेयर वितरण प्रस्ताव गरेको कम्पनीले ६ लाख १२ हजार कित्ता साधारण शेयर निष्काशनको तयारीमा समेत रहेको छ ।
छिमेकी लघुवित्तको नाफा ९९ प्रतिशतले बृद्धि
छिमेकी लघुवित्त विकास बैंक लिमिटेड (CBBL) को गत आर्थिक वर्षको तुलनामा खुद नाफामा झण्डै दोब्बर वृद्धि भएको छ । गतवर्षको पुस मसान्तसम्ममा १० करोड ४८ लाख रुपैया खुदा नाफा गरेको बैंकले यो चालु आर्थिक दोस्रो त्रैमासमा खुद नाफा २० करोड ६ लाख रुपैया गरेको छ । बैंकको नाफा ९९.६६ प्रतिशतले बढेको हो ।
यसअवधिमा बैंकले ४९ करोड २६ लाख रुपैयाँ खुद ब्याज आम्दानी गरेको छ । गतबर्षको यसै अवधिमा ३० करोड रुपैयाँ मात्र खुद ब्याज आम्दानी गरेको थियो ।
५९ करोड ५७ लाख चुक्ता पुँजी भएको बैंकको जगेडा कोषमा ५९ करोड ८२ लाख रहेको छ ।
५ अर्व ६६ करोड ५ लाख निक्षेप संकलन गरेको बैंकको बैंकले यो अवधिमा ८ अर्व ६२ करोड २२ लाख कर्जा प्रवाह गरेको छ ।
चालु आर्थिक वर्षको पहिलो ६ महिनामा खराब कर्जा अनुपात ०.४२ प्रतिशत रहेको छ । गतवर्षको यो अनुपात पनि ०.२ प्रतिशत रहेको थियो । जसको प्रतिशेयर आम्लानी ६९.२४ रुपैयाँ, प्रतिशेयर नेटवर्थ १४६.०२ रुपैयाँ तथा मुल्य आम्दानी अनुपात २४.८६ गुणा रहेको छ ।
साना किसानको नाफा४० प्रतिशतले बढ्यो
साना किसान विकास बैंक (SKBBL) ले चालु आर्थिक बर्षको पहिलो छ महिनामा १० करोड ३९ लाख नाफा कमाएको छ । यो नाफा गत आर्थिक बर्षको सोही अवधीको भन्दा झण्डै ४० प्रतिशत अर्थात दुई करोड ९६ लाखले बढि हो । बैंकले गत आर्थिक बर्षको सोही अवधीमा जम्मा सात करोड ४२ लाख नाफा कमाएको थियो ।
बैंकले ३४ करोड ब्याज आम्दानी गरेको छ भने १२ करोड ४८ लाख ब्याज खर्च गरेको छ । २८ करोड ८३ लाख चुक्ता पुँजी भएको बैंकको जगेडाकोष्मा ८० करोड ३१ लाख रुपैयाँ रहेको छ ।
साना किसान विकास बैंकको प्रति सेयर आम्दानी ७२.९ रुपैंयाँ रहेको छ भने प्रति सेयर नटवर्थ ३७८७ रुपैंयाँ ७४ पैसा रहेको छ । बैंकको खराब कर्जा ०.०६ प्रतिशतबाट बढेर ०.१२ प्रतिशत पुगेको छ ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।