शुक्रबार एक औपचारिक कार्यक्रमबीच राष्ट्र बैंकका गभर्नर डा. चिरञ्जिीवी नेपालले दुई बैंकको एकिकृत कारोबारको शुभारम्भ गरेका हुन् । सो क्रममा गभर्नर नेपालले नेपालका बैंक तथा वित्तिय संस्थाहरुलाई अन्तराष्ट्रिस्तरमा पुर्याउन राष्ट्र बैंकले मर्जरलाई प्रोसात्हन गरेको बताउदै बैंकहरुलाई ग्रामिण क्षेत्रमा सेवा विस्तार गर्न समेत निर्देशन दिए । साथै उनले बैंक संचालकरुमा बैकिङ् संस्कृतिको विकास अपरिहार्य रहेको समेत बताए ।
कार्यक्रममा बैंकका अध्यक्ष देविप्रकाश भट्टचनले आठ बर्ष अगाडि प्रभु फाइनान्सबाट सुरु भएको प्रभु बैंक आजसम्म आईपुग्दा आठवटा विभिन्न संस्थाहरु गाभिएर ठुला वाणिज्य बैंकमध्ये एक बैंक बनेको बताए । उनले अन्य संस्थासँग तत्काल मर्जरमा जाने कुनै योजना नभएपनि बिग्रे भत्किएका संस्थाहरु प्रभुको शरणमा आए अझै तिनीहरुलाई समेटेर जान तयार रेहको बताए ।
ग्राण्ड बैंकको तर्फबाट यसअधि परिचालन भएको खराब कर्जामध्ये ४० करोड रुपैयाँ उठाएर प्रभुले खुद नाफा तेस्रो त्रैमाससम्ममा एक अर्ब नघाउने उनले बताए । अहिले दोस्रो त्रैमासमा दुई बैंकले ५५ करोड रुपैयाँ बराबर नाफा कमाएका छन् । साथै उनले अहिले ११ प्रतिशतको हाराहारीमा रहेको बैंकको खराबकर्जा आगामी असोजसम्ममा ५ प्रतिशत भन्दा तल झार्ने बैंकको लक्ष्य रहेको समेत बताए ।
साथै उनले नेपालका बैंक तथा वित्तिय संस्थाहरुलाई विदेशमा शाखा विस्तार गर्ने सहज वातावरण बनाउन राष्ट्र बैंकलाई आग्रह गरे ।
कार्यक्रममा प्रभु बैंकका सिईओ अशोक शेरचनले प्रभु बैंकले नेपालमा उपलब्ध सबै प्रकारका आधुनिक बैंकिङ् सुविधा दिन सक्षम रहेको बताए । मर्जर अहिलेको आवश्यकता हो यो सँगै अवसर र चुनौतिहरु पनि छन् यसलाई प्रभुले आत्मसाथ गर्दे अगाडि बढ्ने बताए ।
ग्राण्ड बैंकका निवर्तमान अध्यक्ष सौरभ गुरुङ मर्जर पश्चात बैंक अझै सबल र सक्षम बनेको बताउदै शेयरधनीको पूँजी सुरक्षित गर्दै प्रतिफल सुनिश्चित गर्ने विश्वास व्यत्त गरे ।
बैंकर संघका अध्यक्ष उपेन्द्र पौडेलले मर्जरमा जाने वित्तिय संस्थाहरुलाई राष्ट्र बैकलेथप सुविधाहरु दिनुपर्ने आवश्यकता औल्याए ।
२०६३ सालमा ५ करोड चुक्ता पूँजीका साथ प्रभु फाईनान्सको रुपमा स्थापना भएको कम्पनीले १२ बर्षमा बिग्रे, भत्केका र डुबेका कम्ँपनीहरुलाई गाभ्दै चुक्ता पूँजी ५ अर्ब २४ करोड नघाएको छ । २०७० सालमा बैभव फाईनान्स र सम्बृद्धि बिकास बैंकलाई आफुमा समाहित गरेर ७६ करोड चुक्ता पूँजी नघाएको प्रभुले त्यसपछि संकटग्रस्त बनेको बाणिज्य बैंक किष्टलाई किनेर जेनिथ फाईनान्स र गौरीशंकर बिकास बैंकलाई आफुमा गाभेको थियो । योसंगै प्रभु बाणिज्य बैंक बनेर चुक्ता पूँजी ३ अर्ब २० करोड नाघेको थियो ।
अहिले ग्राण्ड बैंकलाई सफलतापूर्वक आफुमा गाभेपछि संकटग्रस्त कम्पनी किन्ने बैंकहरुमा प्रभु हिरो नै भएको छ । मर्जरपश्चात बैंकको शाखा संञ्जाल १३६ पुगेको छ । कर्मचारी संख्या १२ सय र शेयरधनीहरुको संख्या ७९ हजार पुगेको छ भने बैंकका साढे सात लाख ग्राहक पुगेका छन् । यी दुई बैंक गाभिएपछि निक्षेप ५४ अर्ब कर्जा तथा लगानी ४० अर्ब नाघेको छ । बैंकले ४ अर्ब ४० करोड बराबरको रकम जलविद्युत क्षेत्रमा लगानी गरेको छ ।
...................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
.................................................................................................................................................................
