क्लिन इनर्जी डेभलपमेन्ट बैंकले प्रोमोट गरेको कम्पनी सिइडिबी हाइड्ररो फण्डको भगिनी कम्पनी युनिभर्सल पावर कम्पनीले बैशाखदेखि तल्लो खारेखोला जलविद्युत आयोजनाको निर्माण सुरु गर्ने भएको छ । सिइडिबी हाइड्रो फण्डको ८८ प्रतिशत शेयर स्वामित्व रहेको ११ मेगावाट क्षमताको आयोजनाको लागत २ अर्ब रुपैंयको हारहारीमा पर्ने अनुमान गरिएको छ । कम्पनीले आयोजना निर्माणका लागि १ अर्ब रुपैंया भन्दा बढी रकम बराबरको अग्राधिकार शेयर जारी गर्दैछ ।

सिइडिबी हाइड्रो फण्डका प्रमुख कार्यकारी अधिकृत विनय भण्डारीका अनुसार तल्लो खारे खोला जलविद्युत आयोजना निर्माणका लागि फण्डको अर्को सहायक कम्पनी राधी विद्युत कम्पनीले पनि लगानी गर्ने प्रतिवद्धता जनाइ सकेको छ । यसका लागि फण्डले राइट कल पनि गरिसकेको छ ।

यस क्रममा राधी विद्युत कम्पनीले सर्वसाधारणमा प्राथमिक शेयर निष्काशन गरेर तल्लो खारे खोला आयोजनामा लगानी गर्ने छ । सिइडिबी तथा राधी कम्पनीले गरि ४० करोड रुपैंयाको लगानी गर्ने छन् भने बाँकी रकम अन्य लगानीकर्ताबाट जुटाइने छ । यसका लागि अन्य लगानीकर्ताले कम्पनीको अग्राधिकार शेयर पाउने गरि कम्तीमा १ लाख रुपैंया लगानी गर्न सक्ने युनिभर्सल पावर कम्पनीले जनाएको छ ।

प्राइभेट प्लेसमेन्ट, तथा चिनजानका लगानीकर्ताले लगानी गर्ने क्रम सुरु भैसकेको र अन्य इच्छुक लगानीकर्ताले पनि आयोजनामा लगानी गर्न सक्ने छन् । कन्र्भटिभल प्रिफरेन्स शेयरका रुपमा हुने लगानीका आधारमा लगानीकर्तालाई कम्पनीले वार्षिक ७ दशमलव ५ प्रतिशतका दरले प्रतिफल दिने उद्घोष यस अघि नै गरि सकेको छ ।

कम्पनीले दिने प्रतिफल नगदमा नभई शेयरमा हुने भएकाले लगानीकर्ताले पाउने प्रतिफल उच्च हुने कम्पनीकोे भनाई छ । उसका अनुसार १ सय कित्ता शेयर लगानी गर्ने लगानीकर्ताले प्रत्येक आर्थिक वर्षको अन्त्यमा कर कट्टी गरेर वार्षिक ६ दशमलब ३७ कित्ता शेयर प्रतिफल पाउने छन् ।

जलविद्युत आयोजनामा लगानी गर्नका लागि त्रिपुरेश्वर स्थित ब्लुबर्ड मलमा रहेको फण्डको कार्यालयमा सम्पर्क गर्न सकिने कम्पनीले जनाएको छ ।

भुकम्प र नाकाबन्दीका कारण गत अशोजमा नै निर्माण सुरु गर्ने तयारीमा रहेको कम्पनीले आगामी वैशाखदेखि आयोजना निर्माणको काम सुरु गर्न लागेको हो । ३ वर्ष भित्रमा जलविद्युत आयोजना निर्माण पुरा गर्ने लक्ष्य कम्पनीले लिएको छ ।

आयोजना निर्माणका लागि युनिभर्सल पावर कम्पनीले बैंक अफ काठमाण्डुसंग ऋण सम्झौता गरिसकेको छ भने नेपाल विद्युत प्राधिकरणसंग उर्जा खरिद सम्झौता पनि गरिसकेको छ ।

कहिले हुन्छ नेपाल उर्जामा आत्मनिर्भर ?

राधी विद्युत कम्पनीेले खारे खोला जलविद्युत आयोजनामा समेत लगानी गर्ने 

सवा दश लाख कित्ता साधारण शेयर निष्काशन गर्दे राधी हाइड्रो

..................................................................................................................................................................

मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।

.................................................................................................................................................................