गरिमाको चुक्ता पुँजी ८५ करोड ३२ लाख रुपैयाँ छ भने सुभेच्छाको २२ करोड ७३ लाख रुपैयाँ रहेको छ । सुभेच्छाले यसैबर्ष मात्रै एक बराबर एक हकप्रद शेयर वितरण गरेर १५ करोडबाट पूँजी बढाएको थियो ।
यी दुई बैंक गाभिाएपछि नयाँ बन्ने बैंकको पुँजी एक अर्ब ८ करोड रुपैयाँ पुग्ने गरिमा विकास बैंकका कम्पनी सचिव माधव आर्चायले जानकारी दिए । मर्जर पश्चात बन्ने बैंक पनि गरिमाकै नामबाट संचालनमा आउने छ । यसै आर्थिकबर्षभित्र मर्जर सकेर एकिकृत कारोबार गरिसक्ने लक्ष्य रहेको आर्चायले बताए ।
राष्ट्रियस्तरको विकास बैंक बन्न २०७४ असार मसान्तसम्म बैंकले चुक्ता पुँजी २ अर्ब ५० करोड रुपैयाँ पुर्याउनुपर्ने छ ।
पुस मसान्तसम्मको विवरण अनुसार, गरिमासँग सात अर्ब २५ करोड निक्षेप र ६ अर्ब ३२ करोड कर्जा छ । सुभेच्छासँग दुई अर्ब निक्षेप र एक अर्ब ४३ करोड कर्जा लगानी छ ।