प्रोफेशनल दियालो नाफा २ करोड
प्रोफेशनल दियालो विकास बैंकले चालु आर्थिक बर्ष तेस्रो त्रैमास अर्थात चैत्र मसान्तसम्ममा २ करोड ८ लाख रुपैयाँ खुद नाफा कमाएको छ । बैंकले गत आर्थिक बर्षको यसैअवधिको तुलनामा ३६ लाख रुपैयाँ बढी नाफा कमाएको हो । गत आर्थिकबर्षको चैत्र मसान्तसम्ममा बैंकले १ करोड ३४ लाख रुपैयाँ नाफा कमाएको थियो ।
नियमित क्रियाकलापबाटै नाफा बढाएको बैंकले यो अवधिमा निष्कृय कर्जा समेत घटाएको छ । गतबर्षको चैत्रमा २.५२ प्रतिशत रहेको बैंकको निष्कृय कर्जा १.३५ प्रतिशतमा झरेको छ । बैंकको चुक्ता पूँजी २२ करोडरुपैंया रहेको छ ।
अघिल्लो आर्थिक वर्षको यसैअवधिमा ३ करोड ४४ लाख रुपैंया जगेडा कोष कायम गरेको बैंकको चालु बर्ष ६ करोड ६२ लाख रुपैंया रहेको छ । एकबर्षको अवधिमा बैंकको जगेडाकोष झण्डै दोब्बर भएको छ ।
काभ्रेको बनेपालाई केन्द्र बनाएर आर्थिक कृयाकलाप गर्दै आएको बैंकको निक्षेप संकलन तथा कर्जा प्रवाहमा भने सुधार देखिएको छ ।
हाल बैंकको चुक्त पुँजी २२ करोड रुपैयाँ रहेको छ । बैंकले गतआर्थिक बर्षको मुनाफाबाट ९.२५ प्रतिशत बोनश शेयर प्रस्ताव गरेको छ । बोनशवितरपश्चात बैंकको चुक्ता पुँजी २४ करोड रुपैयाँ पुग्नेछ । काभ्रेको बनेपालाई केन्द्र बनाएर आर्थिक कृयाकलाप गर्दै आएको बैंकको १० जिल्ला कार्यक्षेत्र छ ।
खराबकर्जा घटेपनि भार्गवको नाफा बढेन्
यता भार्गव विकास र्बैक लिमिटेडको भने तेस्रो त्रैमासमा खुद नाफामा कमी आएको छ । बैंकले यसअवधिमा १ करोड ६८ लाख रुपैयाँ खुद नाफा कमाएको छ । गतबर्षको यसै अवधिमा बैंकले १ करोड ९६ लाख रुपैया खुद नाफा कमाएको थियो । गतबर्षको तुलनामा बैंकको नाफामा २८ लाख रुपैयाले कमी आएको हो ।
बैंकको संचालनखर्च, कर्मचारी खर्च बढे पछि नाफा घटेको हो भने बैंकले यसअवधिमा कुनै पनि राईट ब्याक गर्न सकेको छैन । उता प्रोभिजन खर्च बढ्दा नाफा प्रभावित भएको हो । यसको व्याज आम्दानी भने बढेको छ ।
गतबर्षको यसैअवधिको तुलनामा बैंकको चुक्ता पुँजी २ करोड रुपैयाले बढेको छ । बैंकको खराब कर्जा ०.२१ प्रतिशतबाट ०.०८ प्रतिशतमा झरेको छ । हाल बैंकको चुक्ता पुँजी १२ करोड रुपैयाँ पुगेको छ । बैंकले गतआर्थिक बर्षको मुनाफाबाट २० प्रतिशत बोनश शेयर दिएर २ करोड पुँजी बढाएको हो । बैंकको बाँके, दाङ् र बर्दिया तीन जिल्लामा कार्यक्षेत्र रहेको छ ।
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
...............................................................................................................................................................
१५ करोडको साधारण शेयर निष्कासन गर्ने सीईडीबी हाइड्रोको तयारीे,कसुवाखोला आयोजनाको अध्ययन सुरु
