एनएमबी बैंकको नाफा एक अर्ब १५ करोड
एनएमबी बैंकले गत आर्थिकबर्षमा एक अर्ब १५ करोड नाफा आर्जन गरेको छ । अघिल्लो आर्थिक बर्षमा ५० करोड ३८ लाख रुपैंयाँ कमाएको बैंकको नाफा करिब १२९ प्रतिशतले बढेको हो । एनएमबी बैंकको नाफा पनि मेरो लगानीको आकँलन अनुसार नै देखिएको छ ।
बाणिज्य बैंकहरुमा कस्ले कति खुद नाफा कमाए ? ( आँकलनसहित)
६३ करोड ५५ लाख रुपैंयाँ खराब कर्जा उठाएपछि बैंकको नाफा चुलिएको हो । अझैपनि बैंकले ५१ करोड ५३ लाख रुपैयाँ प्रोभिजनमा राखेको छ । बैंकको खराब कर्जा १.७५ प्रतिशत रहेको छ ।
४ अर्ब ४८ करोड चुक्ता पुँजी रहेको बैंकको जगेडा कोषमा २ अर्ब ५३ करोड रुपैंयाँ रहेको छ । बैंकले यसअवधिमा ६४ अर्ब ९४ करोड रुपैंयाँ निक्षेप संकलन गरेर ५३ अर्ब ८ करोड कर्जा तथा सापटी प्रवाह गरेको छ ।
बैंकको प्रति शेयर आम्दानी २८ रुपैंयाँ ६६ पैसा, प्रति शेयर नेटवर्थ १५४ रुपैंयाँ ९१ पैसा रहेको छ ।
मेगा बैंकको मुनाफामा ५९ प्रतिशतको वृद्धि, निष्कृय कर्जा घट्यो
मेगा बैंक नेपालले गत असार मसान्तसम्ममा ५५ करोड २० लाख नाफा कमाएको छ । अघिल्लो बर्ष ३४ करोड ६२ लाख नाफा कमाएको बैंकको नाफा २० करोड ५८ लाख अर्थात ५९ प्रतिशतले बढी हो । मेगाको नाफा पनि मेरो लगानीको आँकलनसँग नजिक देखिएको छ ।
बाणिज्य बैंकहरुमा कस्ले कति खुद नाफा कमाए ? ( आँकलनसहित)
बैंकले १३ करोड रुपैँया खराबकर्जा उठाएपछि नाफा बढेको हो । अझेपनि बैंकले ९ करोड ९० लाख रुपैयाँ प्रोभिजनमा राखेको छ । बैंकको खराबकर्जा ०.७९ प्रतिशतमा झरेको छ ।
पश्चिमाञ्चल डेभलपमेन्ट बैकलाई गाँभेर ३ अर्ब २४ करोड चुक्ता पुँजी पुर्याएको बैंकको जगडा कोषमा ९६ करोड ७४ लाख रुपैँया रहेको छ । बैंकले २५ प्रतिशत अर्थात ४ बराबरको १ हकप्रद शेयर निष्काशन गर्ने प्रक्रियामा रहेको छ । बैंकले यसअवधिमा ३१ अर्ब निक्षेप संकलन गरेर २७ अर्ब कर्जा तथा सापटी प्रवाह गरेको छ ।
बैंकको प्रति शेयर आम्दानी १७ रुपैंयाँ ४ पैसा छ भने प्रति शेयर नेटवर्थ १२९ रुपैंयाँ ८५ पैसा रहेको र तरलता अनुपात २५ दशमलव ४६ प्रतिशत रहेको छ ।
...................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
