अघिल्लो आर्थिक बर्षको मुनाफाबाट १५ प्रतिशत बोनश बाँडेको गुहेश्वरी मर्चेन्ट बैंकिङ एन्ड फाइनान्स कम्पनीलाइले बोनशपश्चातको चुक्ता पुँजीको पचास प्रतिशत हकप्रद निष्काशन गर्न लागेको हो । कम्पनीले १४ लाख ६८ हजार ६ सय ९७ कित्ता हकप्रद जारी गर्देछ ।
कम्पनीको वैशाख २ गतेसम्पन्न विशेष साधारणसभाले हकप्रदको प्रस्ताव पारित गरेको थियो । हकप्रद निष्काशन पश्चात कम्पनीको चुक्तापूँजी ४५ करोड रुपैयाँको हाराहारीमा पुग्नेछ । कम्पनीको शेयर निष्कासन तथा बिक्री प्रबन्धकमा एनआइबिएल क्यापिटल लिमिटेड रहेको छ ।
फाइनान्सले राष्ट्र बैकले तोके अनुसार ०७४ असारसम्ममा ८० करोड चुक्ताँपूजी पुर्याउनुपर्ने हुन्छ ।जसका लागि आफु बराबरकै कुनै एक वित्तीय संस्थासँग यसै आर्थिक बर्षमा मर्जरमा जाने योजनामा रहेको छ ।
कन्ट्री डेभलपमेन्ट बैंकको ७.२५ प्रतिशत बोनस पारित
कन्ट्री डेभलपेन्ट बैंकले अघिल्लो आर्थिक बर्षको मुनाफाबाट आफ्ना शेयरधनीलाई साढे सात प्रतिशत लाभांश बाड्ने प्रस्ताव भएको छ । कम्पनीको भर्खरै सम्पन्न साधारणसभाले उक्त प्रस्ताव पारित गरेका हो। बैंकले ७.२५ प्रतिशत बोनस सेयर र कर प्रयोजनका लागि ०.३८१ प्रतिशत नगद लाभांश वितरणको प्रस्ताव गरेको थियो ।
कन्ट्री डेभलपमेन्ट बैंकको चुक्ता पुँजी ३३ करोड रुपैयाँ छ । यो बोनस वितरणपछि बैंकको चुक्ता पुँजी ३५ करोड रुपैयाँ नाघ्नेछ । यो बैंकलाई प्राइम बैंकले खरिद गर्ने सम्झौता गरिसकेको छ ।
एनआईबिएल समृद्धि फण्डले १५ प्रतिशत लाभांश दिने
एनआईबिएल समृद्धि फण्ड- 1 ले आफ्ना लगानीकर्तालाई १५ प्रतिशत नगद लाभांश दिने भएको छ । कम्पनीको आइतबार बसेको सञ्चालक समितिको ३९ औं बैठकले लगानीकर्तालाई उक्त लाभाशं दिने निर्णय गरेको हो ।
लाभांश नियामकबाट स्वीकृति पाए पछि वितरण गरिने कम्पनीले जनाएको छ
...............................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
