मेरोलगानीसंग कुरा गर्दै बैंक सञ्चालक समितिको अध्यक्ष शिवसिंह कार्कीले बैंकले छाटो समयमा पाएको सफलतालाई संस्थागत गर्दै त्यसको प्रभाव कायम राख्नका लागि शाखा बिस्तार गरिएको बताए । सोमबार बिस्तारि शाखाको उद्घाटन बेलौरी उद्योग वाणिज्य संघका अध्यक्ष टेकबहादुर साउदले गरेका थिए ।
१९ करोड ८० लाख रुपैयाँ चुक्तापूँजी रहेको बैंकले राष्ट्र बैंकले तोकेको पूँजी बनाउनका लागि ५० प्रतिशत हकप्रद निष्काशनको प्रकृया अघि बढाएको छ । हकप्रद निष्कासन पश्चात बैंकको चुक्ता पूँजी २९ करोड ७० लाख रुपैयाँ पुग्नेछ । बैंकले २०७४ साल असारसम्म चुक्ता पुँजी ५० करोड रुपैयाँ पुर्याउनु पर्नेछ । नेपाल राष्ट्र बैंकले ३ जिल्ले विकास बैंकहरुका लागि २०७४ साल असारसम्म चुक्ता पूँजी ५० करोड रुपैंया पुर्याउन निर्देशन दिएको छ । बैंकले गत आर्थिक वर्षमा ९ करोड ७४ लाख सञ्चालन मुनाफा आर्जन गरेको छ । सो अवधिमा बैंकले १ अर्ब ९१ करोड ४२ हजार निक्षेप संकलन गरी १ अर्ब ६४ करोड ४३ हजार बराबर कर्जा लगानी गरेको बैंकले जनाएको छ ।
बैंकको अतरिया बजार कैलाली, झलारी बजार कञ्चनपुर, धनगढी उप नगरपालिका कैलाली, अमरगढी नगरपालिका डडेल्धुरा, पुनरवास नगरपालिका कञ्चनपुर, बेदकोट नगरपालिका कञ्चनपुर, बेल्डाँडी नगरपालिका कञ्चनपुरमा शाखा कार्यालयहरु र एउटा एक्शटेन्सन काउन्टर मार्फत वित्तीय सेवा प्रदान गर्दै आएको छ । कञ्चनपुर जिल्लाको भिमदत्त नगरपालिकाको महेन्द्रनगरमा मुख्य कार्यालय रहेको बैंक नेपाल राष्ट्र बैंकबाट इजाजतप्राप्त क्षेत्रिय स्तरको विकास बैक हो ।
बैंकले कञ्चनपुर, कैलाली र डडेल्धुरा जिल्लालाई कार्यक्षेत्र बनाई २०६६ साल देखि वित्तीय सेवा प्रदान गर्दै आएको छ । विभिन्न किसिमका निक्षेप तथा ऋण योजनाहरुका साथमा सेवा दिँदै आएको बैंकले ए.टि.एम. तथा मोबाइल बैंकिङ्ग प्रणाली मार्फत पनि बैंकिंग सेवा प्रदान गर्दै आएको छ ।
...............................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।