सिभिलले किन्ने भएपछि हामा मर्चेन्ट एण्ड फाइनान्सको शेयरबजारमा कारोबार रोक्का भएको छ । सिभल र हामाले आइतबार एक्विजिशन सम्बन्धी सम्झौतामा हस्ताक्षर गरेका हुन् । स्वाप रेशियोको बारेमा भने केही खुलाइएको छैन् ।
दुई साता अगाडि सम्पन्न बैंकको विशेष साधारणसभाले आइएलएफसीसँगको मर्जर सम्झौता पारित गरिसकेको छ । ३ अर्ब ८ करोड रुपैंया चुक्ता पूँजी रहेको सिभिल बैंक र २ अर्ब ८८ लाख रुपैंया चुक्ता पूँजी रहेको आइएलएफसीलाई गाभेपछि चुक्ता पूँजी ५ अर्ब रुपैंयाभन्दा माथि पुग्नेछ ।
बैंकले यसअघि २३ करोड ८६ लाख रुपैयाँ चुक्ता पूँजी भएको युनिक फाइनान्स (UFCL) खरिद गर्ने सम्झौता गरिसकेको छ । हामा मर्चेन्ट एण्ड फाइनान्सको चुक्तापूँजी २२ करोड १० लाख रुपैयाँ रहेको छ भने कम्पनीले जगेडाकोषमा ७ करोड रुपैयाँ राखेको छ । फाइनान्सले २ करोड ९६ लाख रुपैयाँ खुद नाफा गरेका हो । कम्पनीको प्रतिशेयर आम्दानी १३ रुपैयाँ ४२ पैसा छ ।
सिभिल बैंकले गत आर्थिक वर्षमा ३३ करोड १४ लाख रुपैयाँ खुद नाफा गरेको छ । ३ अर्ब ८ करोड चुक्तापूँजी रहेको बैंकले असार मसान्तसम्ममा संचित कोषमा ५३ करोड ३६ लाख रुपैयाँ राखेको छ । बैकको प्रति शेयर आम्दानी १० रुपैयाँ, मूल्य आम्दानी अनुपात २३ गुणा, प्रतिशेयर नेटवर्थ ११७ रुपैयाँ, प्रतिशेयर कुल सम्पत्तिको मूल्य ११४९ रुपैयाँ रहेको छ ।
....................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।