आइतबार धितोपत्र बोर्डले कृषि विकास बैंक र सिद्धार्थ बैंकलाई हकप्रद निष्काशनका लागि स्वीकृति दिएको धितोपत्र बोर्डका प्रवक्ता निरज गिरीले जानकारी दिए । उनका अनुसार बोर्डको वेबसाइटमा हकप्रद स्वीकृतिको तथ्यांक अद्यावधिक केही बेरमा हुनेछ ।
सिद्धार्थ बैंकले आफ्ना शेयर धनीलाई पच्चिस प्रतिशत (४ः१) हकप्रद निष्काशन गर्न लागेको हो । बैंकले ७५ करोड ५५ लाख रुपैयाँ बराबरको ७५ लाख ५५ हजार १ सय ९३ कित्ता हकप्रद शेयर जारी गर्ने मिति भने तय गरिसकेको छैन । कृषि विकास बै.कले हकप्रद स्वीकृत भए लगत्तै शेयरधनी पुस्तिका बन्द गर्ने निर्णय गरे पनि सिद्धार्थले सोमबारसम्म कुनै निर्णय गरेको छैन ।
विजनेश युनिभर्सल डेभलपमेण्ट बैंकलाई गाभेको बैंकको ३ अर्ब ३ करोड रुपैंया चुक्तापूँजी रहेको छ । हकप्रद निष्काशन पश्चात बैंकको पूँजी ३ अर्ब ८० करोड हाराहारी पुग्नेछ । बैंकको शेयर निष्काशन तथा बिक्री प्रबन्धकमा लक्ष्मी क्यापिटल रहेको छ ।
गत आर्थिक वर्षमा १ अर्ब २४ करोड ४८ लाख ९२ हजार रुपैंया खुद नाफा कमाएको बैंकको प्रतिशेयर आम्दानी ४१ रुपैंया १९ पैसा छ । चुक्ता पूँजीभन्दा धेरै जगेडा रहेको बैंकको जगेडा कोषमा ३ अर्ब २३ करोड १ लाख ४२ हजार रुपैंया सञ्चित छ । बैंकले गत आर्थिक वर्षको कमाईबाट लगानीकर्तालाई दिने प्रतिफल प्रस्ताव गर्न बाँकी छ ।
...................................................................................................................................................................
डिम्याट खाता खोल्नु भएको छैन ? घरमै बसी बसी अनलाइनबाट डिम्याट खाता खोल्न चाहनुहुन्छ भने यहाँ क्लिक गर्नुहोस् ।
....................................................................................................................................................................
मेरो लगानी अब सबै स्मार्टफोनमा ! एण्ड्रोइड मोवाइल एप्सका लागि यहाँ क्लिक गर्नुहोस् । एप्पलको आइफोन तथा आइप्याडका लागि यहाँ क्लिक गर्नुहोस् । तपाईँ मेरो लगानीका प्रत्येक अपडेट फेसबुक, ट्वीटर र गुगल प्लस मार्फत पनि पाउन सक्नुहुन्छ ।
